قارت ايەل اۋدان ورتالىعى مامليۋتكانىڭ تۇبىندەگى پوكروۆكا سەلوسىندا تۇرادى. كەلگەندەر ونىڭ جالعىزباستى ەكەنىن جانە اقشالى ەكەنىن زەرتتەپ الىپ كىرسە كەرەك. ويتكەنى, قولدى بولعان اقشا مەن م ۇلىكتىڭ سوماسى 580 مىڭ تەڭگە دەپ باعالانعان. ايەلدىڭ باعىتتاۋىمەن پوليتسيا قىزمەتكەرلەرى كوپ كەشىكپەي كۇدىكتىلەردىڭ ىزىنە تۇسەدى.
مامليۋت اۋداندىق پوليتسيا ءبولىمى باستىعىنىڭ مىندەتىن اتقارۋشى, پوليتسيا مايورى جەڭىس تەمىربەكوۆتىڭ ايتۋىنا قاراعاندا كۇدىكتىلەر مىنگەن ماشينا جامبىل اۋدانىنىڭ اۋماعىنا قاراي جۇرگەن. كورشى اۋدانداعى ارىپتەستەرىنىڭ كومەگىمەن توقتاتىلعان ماشينادا وتىرعان ەكى ايەلدىڭ كەلبەتى شىنىندا كۇدىكتىلەردىڭ بەت-بەينەسىنە ۇقساس بولىپ شىققان. ولار مامليۋت اۋدانىنىڭ 42 جاستاعى تۇرعىنى مەن قوستاناي وبلىسى ۇزىنكول اۋدانىندا تۇرعان 48 جاستاعى بۇرىن سوتتالعان ايەل ەكەن. تەكسەرۋ بارىسىندا ولاردان ۇرلانعان زاتتار تابىلعان.
قازىر كۇدىكتىلەردىڭ ۇستىنەن قىلمىستى ءىس قوزعالىپ, ەكەۋى تەرگەۋ وقشاۋلاعىشىنا قامالدى.
سولتۇستىك قازاقستان وبلىسى
