اباي • 17 شىلدە، 2020

كايردە "ابايدىڭ قازاقستان حالقىنا وسيەتتەرى" اتتى كىتاپ جارىق كوردى

74 رەت كورسەتىلدى

كايردە مىسىردىڭ ۋاقىپتار مينيسترلىگىنىڭ ۋاعىز زەرتتەۋ دەپارتامەنتىنىڭ ديرەكتورى، بەلگىلى تەولوگ حالەد اس-سايد عانەمنىڭ "ابايدىڭ قازاقستان حالقىنا وسيەتتەرى" اتتى اراب تىلىندەگى كىتابى جارىق كوردى، - دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

مىسىرلىق عالىم ءوز ەڭبەگىندە قازاقتىڭ ۇلى اقىنى جازعان "قارا سوزدەرىنىڭ" ماعىناسىن، ولاردىڭ فيلوسوفيالىق ءمانىن، ۇلتتىق تاربيە مەن دۇنيەتانىم، مورال مەن قۇقىق ماسەلەلەرىنە كوزقاراسىن تۇسىندىرۋگە تىرىستى.

بۇل حالەد اس-سايد عانەمنىڭ اباي مۇراسىنا قاتىستى جانە جالپى قازاقستان تۋرالى العاشقى كىتابى ەمەس. 2014-2017 جىلدارى ول "نۇر-مۇباراك" قازاقستان-مىسىر يسلام مادەنيەتى ۋنيۆەرسيتەتىندە وقىتۋشى بولىپ جۇمىس ىستەدى جانە قازاق حالقىنىڭ تاريحى، ءدىنى جانە مادەنيەتى تۋرالى كوپتەگەن عىلىمي ەڭبەكتەر جازدى.

قازىرگى ۋاقىتتا مىسىرلىق عالىم قازاقستاندىق شىعىستانۋشىلارمەن بىرلەسىپ، "ۇلتتىق اۋدارما بيۋروسى" قر ۇلتتىق ورتالىعى باسىپ شىعاراتىن ابايدىڭ "قارا سوزدەرى" مەن ولەڭدەرىنىڭ جيناعىن اراب تىلىنە اۋدارۋ ۇستىندە.

ن

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار