قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ كورەيا رەسپۋبليكاسى ۇلتتىق سايلاۋ كوميسسياسىنىڭ توراعاسى – ازيا سايلاۋ ورگاندارى قاۋىمداستىعىنىڭ توراعاسى لي ين-بوكتىڭ شاقىرۋىمەن 150 سايلاۋ ورگانىنىڭ قاتىسۋىمەن سەۋل قالاسىندا «تۇراقتى سايلاۋ پروتسەستەرى – مىقتى دەموكراتيا» تاقىرىبىندا ءوتىپ جاتقان سايلاۋ ماسەلەلەرى جونىندەگى دۇنيەجۇزىلىك ۇيىمنىڭ (سمدۇ) 6-شى كونفەرەنتسياسىنىڭ جۇمىسىنا قاتىسۋدا.
قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ كورەيا رەسپۋبليكاسى ۇلتتىق سايلاۋ كوميسسياسىنىڭ توراعاسى – ازيا سايلاۋ ورگاندارى قاۋىمداستىعىنىڭ توراعاسى لي ين-بوكتىڭ شاقىرۋىمەن 150 سايلاۋ ورگانىنىڭ قاتىسۋىمەن سەۋل قالاسىندا «تۇراقتى سايلاۋ پروتسەستەرى – مىقتى دەموكراتيا» تاقىرىبىندا ءوتىپ جاتقان سايلاۋ ماسەلەلەرى جونىندەگى دۇنيەجۇزىلىك ۇيىمنىڭ (سمدۇ) 6-شى كونفەرەنتسياسىنىڭ جۇمىسىنا قاتىسۋدا.
سمدۇ كونفەرەنتسياسى سايلاۋ ماسەلەلەرىمەن اينالىساتىن ماماندار ءۇشىن جەتەكشى حالىقارالىق فورۋم بولىپ تابىلادى ءارى بايلانىستاردى رەتتەۋگە جانە اقپارات الماسۋعا جاردەمدەسۋ ماقساتىن كوزدەيدى. اتالعان بەدەلدى ءىس-شارا ازيادا ءبىرىنشى رەت وتكىزىلىپ وتىر, بۇعان دەيىنگى كونفەرەنتسيالار كانادادا, مەكسيكادا, ۆەنگريادا, اقش-تا جانە بوتسۆانادا وتكىزىلگەن بولاتىن.
سمدۇ-نىڭ 6-شى كونفەرەنتسياسىنا 14 قازاندا وتكەن دۇنيەجۇزىلىك سايلاۋ كوميسسيالارى قاۋىمداستىعىنىڭ (دسكق) سالتاناتتى تۇساۋكەسەر اسسامبلەياسى ورايلاستىرىلعان. ازيا سايلاۋ ورگاندارى قاۋىمداستىعىنىڭ مۇشەسى بولىپ تابىلاتىن قازاقستان رەسپۋبليكاسى ورتالىق سايلاۋ كوميسسياسىنىڭ اتىنان توراعا قۋاندىق تۇرعانقۇلوۆ دۇنيەجۇزىلىك سايلاۋ كوميسسيالارى قاۋىمداستىعىن قۇرۋ يدەياسىن قولداعان بولاتىن. دسكق سايلاۋ ماسەلەلەرى بويىنشا ءىرى حالىقارالىق ۇيىم بولادى دەپ كۇتىلۋدە.
ق.تۇرعانقۇلوۆ بۇل شاراعا دا قاتىستى.
«ەگەمەن-اقپارات».
