قازاقستان • 15 شىلدە، 2020

ۇلتتىق كىتاپحانانىڭ بۇرىنعى باسشىسى ومىردەن ءوتتى

28 رەت كورسەتىلدى

ۇلتتىق كىتاپحانانىڭ بۇرىنعى باسشىسى جانات سەيدۋمانوۆ قايتىس بولدى، - دەپ حابارلايدى Egemen.kz.

جانات سەيدۋمانوۆ 1960 جىلدىڭ 28 قاراشاسىندا جامبىلدا دۇنيەگە كەلگەن.

1979 جىلى ماسكەۋ تەحنولوگيالىق ينستيتۋتىنا "اعاش وڭدەۋ تەحنولوگياسى" ماماندىعىنا ءتۇستى. 1992 جىلى الماتىعا كوشىپ، سول جىلى قازۇاۋ مادەنيەت قورىنىڭ باس ديرەكتورى بولىپ تاعايىندالدى.

1993 جىلدىڭ اقپان ايىندا قازاقستاننىڭ ءباسپاسوز جانە بۇقارالىق اقپارات ءمينيسترىنىڭ كومەكشىسى بولدى. 1993 جىلدان 1994 جىلعا دەيىن "قوس قانات" كورپوراتسياسىنىڭ پرەزيدەنتى بولىپ جۇمىس ىستەدى. 

1994 جىلى كيمەپ-ءتى ەكونوميست-ۇيىمداستىرۋشى ماماندىعى بويىنشا بىتىرگەن.

1994 جىلدان باستاپ ءباسپاسوز جانە بۇقارالىق اقپارات مينيسترلىگىنە قايتا ورالدى. 

1995 جىلدىڭ تامىزىنان 1997 جىلدىڭ شىلدەسىنە دەيىن "قازاق كىتاپ" رەسپۋبليكالىق مەملەكەتتىك كونتسەرنىنىڭ پرەزيدەنتى بولدى. 

1997-1999 جىلدارى "كراۋ" بىرلەسكەن قازاقستان-رەسەي كاسىپورنىنىڭ اتقارۋشى ديرەكتورى بولىپ جۇمىس ىستەدى.

1999 جىلدىڭ شىلدەسىندە الماتى وبلىسىنىڭ تالعار اۋدانىنىڭ اكىمى بولىپ تاعايىندالدى. 

2000 جىلى الماتى وبلىسىنىڭ ەكونوميكا كوميتەتىنە اۋىستىرىلدى، وسى جىلى الماتى وبلىسىنىڭ يننوۆاتسيا جونىندەگى كوميتەتى باس ديرەكتورىنىڭ ءبىرىنشى ورىنباسارى بولىپ تاعايىندالدى.

2003 جىلدىڭ قاڭتارىندا كونكۋرستان ءوتىپ، پارلامەنت ءماجىلىسىنىڭ اپپاراتىنا اقپاراتتىق-تالداۋ ءبولىمىنىڭ كونسۋلتانتى بولىپ جۇمىسقا قابىلداندى.

2004 جىلى ءماجىلىس اپپاراتى اقپاراتتىق-تالداۋ ءبولىمىنىڭ قۇقىقتىق اقپارات، زاڭنامانى ەسەپكە الۋ جانە جۇيەلەۋ سەكتورىنىڭ مەڭگەرۋشىسى بولىپ تاعايىندالدى.

2006 جىلدىڭ تامىز ايىندا قازاقستاننىڭ ۇلتتىق مەملەكەتتىك كىتاپ پالاتاسىنىڭ ديرەكتورى بولىپ تاعايىندالدى. 

2016 جىلدىڭ مامىر ايىنان باستاپ قازاقستان ۇلتتىق كىتاپحاناسىنىڭ ديرەكتورى بولىپ جۇمىس ىستەدى.

جانات سەيدۋمانوۆ" قۇرمەت" وردەنىمەن، مەرەيتويلىق، رەسەيلىك جانە حالىقارالىق مەدالدارمەن، سونداي-اق، قۇرمەت گراموتالارىمەن ماراپاتتالدى. ساياسي عىلىمدار كانديداتى، بەس مونوگرافيانىڭ جانە 40-تان استام عىلىمي ماقالانىڭ اۆتورى.

سوڭعى جاڭالىقتار

ۇقساس جاڭالىقتار