مەملەكەت باسشىسى نۇرسۇلتان نازارباەۆ قازاقستان رەسپۋبليكاسىنىڭ پارلامەنتى سەناتىنىڭ وتىرىسىنا قاتىسىپ, پارلامەنت سەناتى توراعاسىنىڭ جانە قازاقستان رەسپۋبليكاسى جوعارعى سوتى توراعاسىنىڭ كانديداتۋرالارىن ۇسىندى, دەپ حابارلادى پرەزيدەنتتىڭ ءباسپاسوز قىزمەتى.
نۇرسۇلتان نازارباەۆ مەملەكەتتەگى كەز كەلگەن تاعايىنداۋدىڭ ەل الدىندا تۇرعان ءمىندەتتەرگە بايلانىستى بولاتىنىن اتاپ ءوتتى.
مەملەكەت باسشىسى نۇرسۇلتان نازارباەۆ قازاقستان رەسپۋبليكاسىنىڭ پارلامەنتى سەناتىنىڭ وتىرىسىنا قاتىسىپ, پارلامەنت سەناتى توراعاسىنىڭ جانە قازاقستان رەسپۋبليكاسى جوعارعى سوتى توراعاسىنىڭ كانديداتۋرالارىن ۇسىندى, دەپ حابارلادى پرەزيدەنتتىڭ ءباسپاسوز قىزمەتى.
نۇرسۇلتان نازارباەۆ مەملەكەتتەگى كەز كەلگەن تاعايىنداۋدىڭ ەل الدىندا تۇرعان ءمىندەتتەرگە بايلانىستى بولاتىنىن اتاپ ءوتتى.
قازاقستان پرەزيدەنتى ءسويلەگەن ءسوزىنىڭ بارىسىندا ق.ءماميدىڭ كانديداتۋراسىن جوعارعى سوت توراعاسى قىزمەتىنە ۇسىندى.
سونداي-اق, نۇرسۇلتان نازارباەۆ قاسىم-جومارت توقاەۆتىڭ كانديداتۋراسىن قازاقستان رەسپۋبليكاسى پارلامەنتى سەناتىنىڭ توراعاسى قىزمەتىنە سايلاۋ جونىندە ۇسىنىس ەنگىزدى.
سەنات دەپۋتاتتارىنىڭ جاسىرىن داۋىس بەرۋ قورىتىندىسى بويىنشا ق.توقاەۆ پارلامەنت سەناتىنىڭ توراعاسى قىزمەتىنە سايلاندى.
نۇرسۇلتان نازارباەۆ ءوزىنىڭ بارلىق ۇسىنىسىن قولداعانى ءۇشىن دەپۋتاتتارعا العىسىن ايتتى.
– سەنات – ەلىمىز حالقىنىڭ جانە مەملەكەت باسشىسىنىڭ سەنىمدى تىرەگى. وتكەن جىلدار ىشىندە ءبىز كوپتەگەن مىندەتتى بىرلەسە وتىرىپ شەشتىك. ءبۇگىندە الدىمىزدا اسا ءورشىل جانە ماڭىزدى ماقساتتار تۇر. وزدەرىڭىز بىلەتىندەي, ءبىزدىڭ نەگىزگى مىندەتىمىز – «قازاقستان-2050» ستراتەگياسىن ىسكە اسىرۋ جانە الەمنىڭ ەڭ دامىعان 30 ەلىنىڭ قاتارىنا قوسىلۋ. بارشا قازاقستاندىقتار وسى يدەيانى ىسكە اسىرۋدىڭ توڭىرەگىندە توپتاسۋعا ءتيىس. سوندا ءبىز العا قويعان ءمىندەتتەرگە قول جەتكىزەمىز. ەگەر ءبىز كۇش-جىگەرىمىزدى بىرىكتىرەتىن بولساق, وندا ەلىمىزدىڭ الدىندا الىنبايتىن اسۋ بولمايدى, – دەدى مەملەكەت باسشىسى.
مەملەكەت باسشىسى ءوز جارلىعىمەن ب.بەكنازاروۆتىڭ قازاقستان رەسپۋبليكاسى جوعارى سوت كەڭەسىنىڭ توراعاسى بولىپ تاعايىندالعانىن ءمالىم ەتتى.
وتىرىس سوڭىندا جاڭادان تاعايىندالعان باسشىلار مەملەكەت باسشىسىنا سەنىم بىلدىرگەنى ءۇشىن العىستارىن ايتىپ, الدارىنا قويىلعان مىندەتتەردى جۇزەگە اسىرۋ ءۇشىن بارلىق كۇش-جىگەرىن سالۋعا ۇمتىلاتىندارىنا سەندىردى.
سۋرەتتەردى تۇسىرگەندەر
س.بوندارەنكو, ب.وتارباەۆ.
