كەشە مەملەكەت باسشىسى نۇرسۇلتان نازارباەۆتىڭ توراعالىعىمەن ەكسپو-2017 حالىقارالىق كورمەسىنە دايىندىق جانە ونى وتكىزۋ ماسەلەلەرى جونىندە كەڭەس ءوتتى, دەپ حابارلادى پرەزيدەنتتىڭ ءباسپاسوز قىزمەتى.
كەڭەستە پرەمەر-مينيستر سەرىك احمەتوۆ, قورشاعان ورتانى قورعاۋ ءمينيسترى نۇرلان قاپپاروۆ جانە «استانا ەكسپو-2017» ۇلتتىق كومپانياسى» اق باسقارما ءتوراعاسى تالعات ەرمەگياەۆ اتقارىلعان جۇمىس تۋرالى ەسەپ بەردى.
كەشە مەملەكەت باسشىسى نۇرسۇلتان نازارباەۆتىڭ توراعالىعىمەن ەكسپو-2017 حالىقارالىق كورمەسىنە دايىندىق جانە ونى وتكىزۋ ماسەلەلەرى جونىندە كەڭەس ءوتتى, دەپ حابارلادى پرەزيدەنتتىڭ ءباسپاسوز قىزمەتى.
كەڭەستە پرەمەر-مينيستر سەرىك احمەتوۆ, قورشاعان ورتانى قورعاۋ ءمينيسترى نۇرلان قاپپاروۆ جانە «استانا ەكسپو-2017» ۇلتتىق كومپانياسى» اق باسقارما ءتوراعاسى تالعات ەرمەگياەۆ اتقارىلعان جۇمىس تۋرالى ەسەپ بەردى.
نۇرسۇلتان نازارباەۆ استاناعا بۇكىلالەمدىك كورمە وتەتىن الاڭ رەتىندە تاڭداۋ تۇسكەن كەزدەن باستاپ ءبىر جىلداي ۋاقىت وتكەنىن, ەكسپو-2017 حالىقارالىق كورمەسىنە دايىندىق بارىسىن قاراپ, ءتىركەۋ مالىمەتىن ازىرلەپ, وزگە دە ۇيىمداستىرۋشىلىق-قۇقىقتىق ءماسەلەلەردى شەشكەن ءجون ەكەنىن ايتتى.
مەملەكەت باسشىسى ەكسپو-2017 كورمەسىنە قارجىلاندىرۋدىڭ وزگە كوزدەرىن, سونىڭ ىشىندە كورپوراتيۆتىك قاتىسۋشىلاردى – الەمدىك دەڭگەيدەگى كومپانيالاردى تارتۋدىڭ ماڭىزدىلىعىن, مۇنىڭ كورمەگە دايىندىق جاساۋ جونىندەگى جۇمىستىڭ نەگىزگى باعىتتارىنىڭ ءبىرى بولۋعا ءتيىس ەكەنىن اتاپ ءوتتى. بۇعان قوسا, قازاقستان پرەزيدەنتى ءدال وسى ەكسپو-2017 كورمەسى اياسىندا جاڭا جوعارى تەحنولوگيالىق ءازىرلەمەلەر تانىستىرىلىمىن وتكىزۋ قاجەتتىگىنە توقتالدى.
– مەن ءبىرىنشى كۇننەن كورمەنى وتكىزۋدە ىسىراپقا جول بەرىلمەۋىن ايتىپ كەلەمىن. وسى ورايدا سالىنعان بارلىق ينفراقۇرىلىمنىڭ كورمەدەن كەيىن دە پايداعا اسۋى ماڭىزدى ماسەلە بولىپ قالا بەرمەك. كورمە ەلىمىزدىڭ ءار ازاماتىنا قولجەتىمدى بولىپ, ونى ارالاپ شىعۋلارىنا مۇمكىندىك جاسالۋعا ءتيىس, – دەدى نۇرسۇلتان نازارباەۆ.
مەملەكەت باسشىسى ينتەرنەتتەگى, الەۋمەتتىك رەسۋرستار مەن باق-تارداعى ءتيىمدى جانە شىعىن از جۇمسالاتىن جارناما ەسەبىنەن العا قويعان مىندەتتى ورىنداۋدا اقپاراتتىق-يميدجدىك جۇمىستى جۇزەگە اسىرۋدا جاڭاشىل قادامدار قاجەتتىگىنە نازار اۋداردى.
كەڭەس بارىسىندا پرەمەر-مينيستر كورمەگە دايىندىق مەملەكەت باسشىسىنىڭ تاپسىرماسىنا جانە ۇلتتىق جوسپارعا سايكەس جۇرگىزىلىپ جاتقانىن باياندادى, سونداي-اق بارلىق اتالعان ماسەلە ۇكىمەت پەن ۇلتتىق كوميسسيانىڭ ۇدايى باقىلاۋىندا ەكەنىنە توقتالدى.
قورشاعان ورتانى قورعاۋ ءمينيسترى كورمەنىڭ جالپى اۋماعى 173 گەكتار بولاتىنىن جانە وندا ءارتۇرلى ينفراقۇرىلىمدىق نىساندار ورنالاساتىنىن باياندادى. بۇعان قوسا, كورمەنىڭ اۋماعى استانانىڭ ورنىقتى ەنەرگەتيكانى دامىتۋ جونىندە كوشباسشى بولۋىنا مۇمكىندىك بەرەتىن ءۇشىنشى يندۋستريالىق رەۆوليۋتسيانى ءىس جۇزىنە اسىراتىن الەمدەگى ءبىرىنشى اۋدانعا اينالماق.
كەڭەس سوڭىندا مەملەكەت باسشىسى Adrian Smath + Gordon Gill Architecture كومپانياسى ازىرلەگەن كورمە كەشەنىنىڭ ارحيتەكتۋرالىق ەسكيزىن ماقۇلدادى.
