قاسىم-جومارت توقاەۆ پارلامەنت سەناتىنىڭ توراعاسى بولىپ سايلاندى.بۇل تۋرالىBnews.kz حابارلادى.
قاسىم-جومارت كەمەل ۇلى توقاەۆ 1953 جىلعى 17 مامىردا الماتى قالاسىندا تۋعان.
1975 جىلى ماسكەۋ مەملەكەتتىك حالىقارالىق قاتىناستار ينستيتۋتىن بىتىرگەننەن كەيىن كسرو سىرتقى ىستەر مينيسترلىگىندە قىزمەت اتقاردى. ال 1984-1985 جىلدارى سىرتقى ىستەر مينيسترلىگىندە قىزمەتتە بولدى. 1992 جىلى سىرتقى ىستەر ءمينيسترىنىڭ ورىنباسارى بولىپ تاعايىندالدى. سونىمەن بىرگە, 1993 جىلى سىرتقى ىستەر ءمينيسترىنىڭ ءبىرىنشى ورىنباسارى جانە 1994 جىلى سىرتقى ىستەر ءمينيسترى بولدى. 1999 جىلدىڭ ناۋرىز ايىندا پرەمەر-ءمينيستردىڭ ورىنباسارى بولىپ تاعايىندالدى. 1999 جىلدىڭ قازان ايىندا پرەمەر-مينيستر لاۋازىمىنا تاعايىندالدى. سىرتقى ىستەر ءمينيسترى رەتىندە يادرولىق قارۋدى تاراتپاۋ ىسىنە بەلسەنە اتسالىستى.
2011 جىلعى ناۋرىزدا بىرىككەن ۇلتتار ۇيىمىنىڭ باس حاتشىسى قاسىم-جومارت كەمەل ۇلى توقاەۆتى باس حاتشىنىڭ ورىنباسارى جانە بىرىككەن ۇلتتار ۇيىمى باس حاتشىسىنىڭ قارۋسىزداندىرۋ جونىندەگى كونفەرەنتسياداعى جەكە وكىلى رانگىندە بىرىككەن ۇلتتار ۇيىمىنىڭ جەنەۆاداعى بولىمشەسىنىڭ باس ديرەكتورى ەتىپ تاعايىنداۋ تۋرالى شەشىمىن جاريا ەتتى. سونىمەن قاتار, قارۋسىزداندىرۋ جونىندەگى كونفەرەنتسيانىڭ باس حاتشىسى لاۋازىمىن يەلەنەدى. ول بۇۇ-نىڭ شۆەيتسارياداعى قىزمەتكەرلەرىنىڭ قاۋىپسىزدىگىن قامتاماسىز ەتۋگە جاۋاپتى اعا لاۋازىمدى تۇلعا بولىپ تابىلادى.
