برازيليانىڭ فەدەرالدى پوليتسياسى اقش پەن كانادا تاراپىنان برازيليا مەملەكەتتىك قۇرىلىمدارى مەن ونەركاسىپتىك كومپانيالارىنا باعىتتالعان تىڭشىلىق دەرەكتەرى بويىنشا تىڭعىلىقتى تەرگەۋ امالدارىن جۇرگىزۋدە. بۇل تۋرالى يتار-تاسس حابارلادى.
«تەرگەۋ امالدارىن جۇرگىزۋ بارىسىندا اقش ۇلتتىق قاۋىپسىزدىك اگەنتتىگىنىڭ بۇرىنعى قىزمەتكەرى ەدۆارد سنوۋدەننىڭ دەرەكتەرى ءبىز ءۇشىن ۇلكەن قاجەتتىلىك تۋدىرىپ وتىر», – دەيدى برازيليا فەدەرالدى پوليتسياسى بارلاۋ باسقارماسىنىڭ باسشىسى جوزە البەرتۋ فرەيتاس.
«ءبىز ءۇشىن سنوۋدەن ەڭ نەگىزگى اقپارات كوزى بولىپ وتىر. ەگەر ونىمەن سويلەسۋگە مۇمكىندىك بولماسا, تەرگەۋ ءىسىنىڭ الدىعا جىلجۋى ەكىتالاي», – دەدى برازيليا سەناتىنىڭ ەلەكتروندى بارلاۋ دەرەكتەرى جونىندەگى كەڭەسىنىڭ باسشىسى ريكاردو فەرراسو. ول سونداي-اق بەيسەنبى كۇنى رەسەي بيلىگىنەن سنوۋدەنمەن بەينە جەلى ارقىلى سويلەسۋگە رۇقسات سۇرايتىنىن مالىمدەدى.
ايدار ورىسباەۆ.
