"مەملەكەت باسشىسىنىڭ تاپسىرماسىمەن قر ۇكىمەتىنىڭ كەڭەيتىلگەن وتىرىسىنىڭ قورىتىندىسى بويىنشا داعدارىسقا قارسى شارالاردى جۇزەگە اسىرۋ اياسىندا كوروناۆيرۋستىق ينفەكتسياعا بايلانىستى جاعدايدى تۇراقتاندىرۋ ءۇشىن قاتاڭ شەكتەۋ شارالارىن ەنگىزۋ سالدارىنان تابىستارىن جوعالتقان مۇقتاج ازاماتتارعا اعىمداعى جىلدىڭ شىلدە ايىندا مەملەكەتتىك الەۋمەتتىك ساقتاندىرۋ قورىنان ەڭ تومەنگى جالاقى (42 500 تەڭگە) مولشەرىندە بىرجولعى تولەم جۇزەگە اسىرىلادى", – دەدى ول.
مينيستر بىرجولعى تولەمدى تاعايىنداۋعا ءوتىنىمدى:
–جالاقىسى ساقتالمايتىن دەمالىسقا جىبەرىلگەن جالدامالى قىزمەتكەرلەرى ءۇشىن جۇمىس بەرۋشىلەر;
– كارانتيندىك شارالاردىڭ كۇشەيۋىنە بايلانىستى قىزمەتى شەكتەلگەن جەكە كاسىپكەرلەر مەن ءوزىن-ءوزى جۇمىسپەن قامتىعان ازاماتتار بەرە الاتىنىن ايتىپ ءوتتى.
قازىرگى ۋاقىتتا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى بىرجولعى تولەمدى جۇزەگە اسىرۋ قاعيدالارىن ازىرلەۋدە.
ء"بىز جۇما كۇنى ازاماتتاردىڭ ءوتىنىش بەرۋگە مۇمكىندىگى پايدا بولادى دەپ ۇمىتتەنەمىز, ال دۇيسەنبىدەن باستاپ تولەمدەردى تاعايىنداۋعا كىرىسۋدى جوسپارلاپ وتىرمىز. سونداي-اق ءبىز جەكەلەگەن ساناتتاعى ازاماتتار ءۇشىن پرواكتيۆتى فورماتتا تولەم تاعايىنداۋ مۇمكىندىگىن قاراستىرامىز", – دەدى ءبىرجان نۇرىمبەتوۆ.
ەڭبەكمينىنىڭ باسشىسى سونىمەن قاتار بەيرەسمي تۇردە ءوزىن-ءوزى جۇمىسپەن قامتىعان ادامدارعا بىرجولعى تولەمگە ءوتىنىش بەرۋ ءۇشىن بجت-نى قايتا تولەۋ مىندەتتى ەمەس ەكەنىن اتاپ ءوتتى.
