مەملەكەت باسشىسى نۇرسۇلتان نازارباەۆ بەلگىلى مەملەكەت جانە قوعام قايراتكەرى, قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ورال مۇحامەدجانوۆتىڭ قايتىس بولۋىنا بايلانىستى تۋىستارى مەن جاقىندارىنا كوڭىل ايتۋ جەدەلحاتىن جولدادى. بۇل تۋرالى اقوردا.kz حابارلادى.
جەدەلحاتتا ورال بايعونىس ۇلىنىڭ ىسكەرلىك جانە ۇيىمداستىرۋشىلىق قابىلەتىمەن جاستاي كوزگە ءتۇسىپ, باسقارۋ ورگاندارىندا ءتۇرلى جاۋاپتى قىزمەتتەر اتقارىپ, مول تاجىريبە جيناقتاعانى اتاپ وتىلگەن.
«قازاقستان تاۋەلسىزدىك العان العاشقى كۇننەن پرەزيدەنت اكىمشىلىگىندە جانە ۇكىمەت اپپاراتىندا بولىمدەر باسقارىپ, پارلامەنت ءماجىلىسىنىڭ دەپۋتاتى, كەيىن پالاتا توراعاسى بولا ءجۇرىپ, ءوزىنىڭ مول ءبىلىمى مەن بۇكىل قاجىر-قايراتىن تۋعان ەلىمىزدى كوركەيتۋگە, ونىڭ قۇقىقتىق-زاڭنامالىق بازاسىن قالىپتاستىرىپ, نىعايتۋعا جۇمسادى. قاي قىزمەتتە جۇرسە دە اقجارقىن مىنەزىمەن, ادامگەرشىلىك قاسيەتتەرىمەن ارىپتەستەرىنىڭ اراسىندا ءاردايىم زور ابىروي مەن بەدەلگە يە بولدى. ونىڭ ەڭبەگى جوعارى مەملەكەتتىك ناگرادالارمەن اتاپ ءوتىلدى», – دەلىنگەن جەدەلحاتتا.
نۇرسۇلتان نازارباەۆ و.مۇحامەدجانوۆتىڭ ەسىمى مەن قازاقستاننىڭ دامۋىنا قوسقان ۇلەسىن حالقىمىز ۇمىتپايتىنىن اتاپ وتكەن.
