كورنەكتى مەملەكەت قايراتكەرى ورال بايقونىس ۇلى مۇحامەدجانوۆ دۇنيەدەن وزدى. بۇل تۋرالى «قازاقپارات» اگەنتتىگى حابارلادى.
«كەشە اۋىر ناۋقاستان سوڭ ساياسي قايراتكەر, پارلامەنت ءماجىلىسىنىڭ 3-4-شاقىرىلىمدارىنىڭ توراعاسى, مەملەكەت باسشىسىنىڭ سەنىمدى سەرىكتەرىنىڭ ءبىرى - ورال مۇحامەدجانوۆ دۇنيەدەن وزدى. وسىعان وراي, پارلامەنت ءماجىلىسىنىڭ توراعاسى نۇرلان نىعماتۋلين ءوزىنىڭ قىتاي حالىق رەسپۋبليكاسىنا رەسمي ساپارىن توقتاتتى. ءبىز ورال بايقونىس ۇلىنىڭ تۋعان-تۋىستارىنا قايعىسىنا ورتاقتاسىپ كوڭىل ايتامىز. ءوز ەلىن ولە سۇيگەن مەملەكەت قايراتكەرى, تاماشا ادام, ادال دوسىمىز ءارى ارىپتەسەمىز ءبىزدىڭ جۇرەگىمىزدە ماڭگى ساقتالادى», - دەدى بۇگىن ءماجىلىستىڭ جالپى وتىرىسىندا ۆيتسە-سپيكەر سەرگەي دياچەنكو.
وسىعان وراي, ءماجىلىستىڭ بۇگىنگى جالپى وتىرىسى 1 مينۋت ۇنسىزدىكپەن باستالدى.
