وتكەن ءتۇنى جاپونيانىڭ ورتالىق بولىگىندە بولعان «ۆيپحا» تايفۋنىنان سەگىز ادامداي قازا بولدى. بۇل تۋرالى يتار-تاسس حابارلادى.
اپاتتىڭ نەگىزگى سالماعى توكيونىڭ وڭتۇستىگىندە ورنالاسقان يدزۋوسيما ارالىنا كەلىپ ءتۇستى. مۇندا كۇشتى جەل مەن جەر كوشكىنىنەن 280 عيمارات قيراپ قالعان.
رەسمي دەرەكتەرگە قاراعاندا, 37 ادام ءىز-ءتۇسسىز جوعالعاندار قاتارىندا قالىپ وتىر. ال بىرقاتار جەرگىلىكتى باق وكىلدەرى 50 ادامنىڭ جوعالىپ كەتكەنىن حابارلاۋدا.
جاپونيانىڭ التى پرەفەكتۋراسىندا 30 مىڭنان اسا ادامدى قاۋىپسىز جەرگە كوشىرۋ تۋرالى شەشىم قابىلداندى. داۋىل ەلەكتر جەلىلەرىن ءۇزىپ تاستاپ, 40 مىڭنان استام ءۇيدى جارىقسىز قالدىرعان. ەلدە تەمىر جول قوزعالىسى بۇزىلىپ, اۋەجايلاردا شامامەن 520 رەيس كەيىنگە قالدىرىلدى.
ايدار ورىسباەۆ.
