قازاقستان • 13 شىلدە، 2020

مەملەكەت باسشىسى ىندەتتەن قازا بولعان ازاماتتاردى قۇرمەتپەن ەسكە الدى

49 رەت كورسەتىلدى

اقوردا رەزيدەنتسياسىنىڭ الدىندا مەملەكەت باسشىسى قاسىم-جومارت توقاەۆ كوروناۆيرۋس ىندەتىنەن قازا تاپقان ازاماتتاردى قۇرمەتپەن ءبىر مينۋت ەسكە الدى، دەپ حابارلايدى Egemen.kz.

بۇگىن رەسپۋبليكا بويىنشا، سونداي-اق، قازاقستاننىڭ شەتەلدەگى ديپلوماتيالىق ميسسيالارىنىڭ عيماراتتارىندا مەملەكەتتىك تۋ تومەن ءتۇسىرىلدى. ازا تۇتۋ كۇنىندە ويىن-ساۋىقتىق تەلە جانە راديو باعدارلامالار كورسەتىلمەيدى، سول سياقتى شارالار دا توقتاتىلادى. 

2020 جىلعى 13 شىلدە – تاۋەلسىز قازاقستان تاريحىندا توعىزىنشى رەت بەلگىلەنگەن قارالى كۇن بولىپ سانالادى.

بۇگىنگى كۇنگە وراي قمدب توراعاسى، باس ءمۇفتي ناۋرىزباي قاجى تاعان ۇلىنىڭ باستاماسىمەن ەلىمىزدەگى رەسپۋبليكالىق، وبلىستىق ءىرى-ءىرى مەشىتتەردە جانە مەدرەسەلەردە، قاريلار دايارلاۋ ورتالىقتارىندا 100 ء(جۇز) قۇران حاتىم وقىلۋدا.

ايتا كەتەيىك، قازاقستان اۋماعىندا كوروناۆيرۋس جۇقتىرۋدىڭ العاشقى دەرەگى 2020 جىلدىڭ 13 ناۋرىزىندا تىركەلگەن بولاتىن. بۇگىندە رەسمي دەرەك بويىنشا ەلىمىزدە 59 899 ادام ۆيرۋس جۇقتىرىپ، 375 ادام قازا تاپتى.

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار