بۇگىن رەسپۋبليكا بويىنشا, سونداي-اق, قازاقستاننىڭ شەتەلدەگى ديپلوماتيالىق ميسسيالارىنىڭ عيماراتتارىندا مەملەكەتتىك تۋ تومەن ءتۇسىرىلدى. ازا تۇتۋ كۇنىندە ويىن-ساۋىقتىق تەلە جانە راديو باعدارلامالار كورسەتىلمەيدى, سول سياقتى شارالار دا توقتاتىلادى.
2020 جىلعى 13 شىلدە – تاۋەلسىز قازاقستان تاريحىندا توعىزىنشى رەت بەلگىلەنگەن قارالى كۇن بولىپ سانالادى.
بۇگىنگى كۇنگە وراي قمدب توراعاسى, باس ءمۇفتي ناۋرىزباي قاجى تاعان ۇلىنىڭ باستاماسىمەن ەلىمىزدەگى رەسپۋبليكالىق, وبلىستىق ءىرى-ءىرى مەشىتتەردە جانە مەدرەسەلەردە, قاريلار دايارلاۋ ورتالىقتارىندا 100 ء(جۇز) قۇران حاتىم وقىلۋدا.
ايتا كەتەيىك, قازاقستان اۋماعىندا كوروناۆيرۋس جۇقتىرۋدىڭ العاشقى دەرەگى 2020 جىلدىڭ 13 ناۋرىزىندا تىركەلگەن بولاتىن. بۇگىندە رەسمي دەرەك بويىنشا ەلىمىزدە 59 899 ادام ۆيرۋس جۇقتىرىپ, 375 ادام قازا تاپتى.
