ءارى سازگەر, ءارى ۇيىمداستىرۋشى جارقىن تۇلعا كەڭەس دۇيسەكەەۆ سوڭىنا شوقتىعى بيىك تۋىندىلار قالدىردى. ونىڭ كامەرالىق وركەسترگە, فورتەپيانوعا ارنالىپ جازىلعان ء«جالاڭتوس باتىر» سيمفونيالىق پوەماسى, «تولعاۋ», «استانا» سيمفونيالارى, «جىل مەزگىلدەرى» رومانستار تسيكلى, «جايلاۋ تاڭى», «جايلاۋداعى كوش» سوناتالارى, باسقا دا كوپتەگەن رومانستارى تالعامپاز زەرتتەۋشىلەردەن لايىقتى باعاسىن العان, تىڭدارمانداردىڭ قۇلاق قۇرىشىن قاندىرعان بىرەگەي تۋىندىلار. كاسىبي انشىلەردىڭ ورىنداۋىنداعى «سالەم ساعان, تۋعان ەل», «دومبىرا تۋرالى باللادا», «تولعاۋ», «ەركەلەدىڭ سەن», «عاشىقتار ءانى», «وكىنبە سەن», «قاراعىم-اي», «ارمان, ارمان», «ويلان, بالام», «ايناكول» سياقتى تانىمال اندەردىڭ دە اۋەنىنەن كەڭەس اعانىڭ قولتاڭباسى انىق كورىنىپ تۇر. سونداي-اق ء«مادي», «اققۋ» «جىبەك» سىندى ميۋزيكلدارى, «الدار كوسە» وپەرەتتاسى ونىڭ سان قىرلى دارىن يەسى ەكەنىن ايعاقتايدى.
ول شىعارماشىلىعىن شىڭداي ءجۇرىپ «گۇلدەر» ءانسامبلىنىڭ باس ديريجەرى جانە مۋزىكالىق جەتەكشىسى بوپ ەڭبەك ەتتى. «قازاقكونتسەرت» بىرلەستىگىنىڭ مۋزىكا جەتەكشىسى, قازاق تەلەديدارى مۋزىكا رەداكتسياسىنىڭ باس رەداكتورى سياقتى جاۋاپتى جۇمىستاردى دا مۋزىكا الەمىنە ادال قىزمەت ەتە ءجۇرىپ اتقاردى. ءبىز اياۋلى سازگەردىڭ الدى جارىق, ارتى كەنىش بولۋىن تىلەيمىز. وتباسىنا, تۋىستارى مەن دوستارىنا, رۋحاني جاقىن جاندارعا قايعىرا كوڭىل ايتامىز.
ەگەمەنقازاقستاندىقتار
