رەسەي فەدەراتسياسىنىڭ قوستاناي وبلىسىمەن شەكتەسىپ جاتقان ماگنيتوگورسك قالاسىنىڭ تۇرعىندارى اراسىندا «قازاق» («كازاحسكوە») سىراسى ايرىقشا ءوتىمدى بولىپ تۇر. ونى قاتتى جاقسى كورەتىن بولعاندىقتان, جاقىندا وسىندا تۇراتىن ءۇش جىگىت وزدەرىنىڭ بوستاندىقتارىنا قاتەر توندىرە وتىرىپ, ءبىر دۇكەننەن اتالمىش سىرانىڭ ءبىر جاشىگىن ۇرلاپ كەتكەن. بۇل تۋرالى «ەكسپرەسس-ك» گازەتى جازدى.
ۇرلىق تاپا تال تۇستە بولعان. ايتىلعان ءۇش جىگىت «وستروۆوك كاازاحستانا» جۇيەسىنە قاراستى دۇكەندەردىڭ بىرىنەن ءبىر جاشىك سىرانى ۇرلاپ اكەتكەن. ولاردى ساۋدا سورەلەرىندەگى تەك وسى سىرا عانا قىزىقتىرعان. باسقا ەشتەڭەگە تيمەگەن.
شىنىندا دا مەتاللۋرگيانىڭ ورتالىعى اتانعان ايتۋلى قالادا كوبىگى بۇرقىراعان اشقىلتىم ىشىمدىكتىڭ «كازاحسكوە» دەپ اتالاتىن وسى سورتىنا قۇمارلار كوپ كورىنەدى.
ۇرىلار ماگازيننىڭ ىشىنە كىرگەننەن كەيىن كوپ ۇزاماي جاڭاعى ءبىر جاشىك سىرانى الا قاشقان. ساتۋشىلار ۇستاي الماي قالعان. سوسىن پوليتسياعا قوڭىراۋ شالعان. ال ءتارتىپ ساقشىلارى سۋرەتتەلگەن كەسكىندەرىنە قاراپ, ولاردى قايدان تابۋعا بولاتىنىن تەز پايىمداعان. ءسويتىپ, ءبىر ءۇيدىڭ اۋلاسىنا كەلسە, ءۇش نويان «ەڭبەكپەن كەلگەن» سىرالارىن ەلىگە ءىشىپ وتىر ەكەن.
قايرات قوجانازار.
كوللاج «ەكسپرەسس-ك» گازەتىنەن الىندى.
