قازاقستان • 09 شىلدە، 2020

قازاقستاندا ەگىن ورۋ ناۋقانىنا دايىندىق باستالدى

8 رەت كورسەتىلدى

بۇگىنگى تاڭدا اۋىل شارۋاشىلىعى مينيسترلىگى داقىلداردى اسىرەسە شەگىرتكە زيانكەستەرىنەن قورعاۋدى قامتاماسىز ەتۋ ماڭىزدى دەپ سانايدى. 

2020 جىلى زيانكەستەرمەن كۇرەسۋگە رەسپۋبليكالىق جانە جەرگىلىكتى بيۋدجەتتەن 1،5 ميللياردتان استام قارجى ءبولىندى. جاندىكتەردىڭ تارالۋ وشاقتارىن انىقتاۋ ءۇشىن مىڭنان استام مامان تارتىلدى. GPS ناۆيگاتورلارى جانە ترەكەرلەرىنىڭ كومەگىمەن شامامەن 40 ملن گا اۋىلشارۋاشىلىق جەرلەرىن باقىلاۋ جۇرگىزىلدى. حيميالىق وڭدەۋگە 150-گە جۋىق ارنايى تەحنيكا - اۋە كەمەسى مەن جەڭىل ۇشاقتار، شاشىراتقىشتار جانە اەروزولدىك گاز گەنەراتورلارى جۇمىلدىرىلدى.

قازىرگى ۋاقىتتا جامبىل جانە تۇركىستان وبلىستارىندا ماروككالىق شەگىرتكەلەرگە قارسى حيميالىق وڭدەۋ اياقتالدى، ال يتالياندىق پرۋس جانە ازيالىق شەگىرتكەلەردى جويۋ جۇمىستارى اياقتالۋعا جاقىن. سونىمەن قاتار، تۇراقسىز شەگىرتكە زيانكەستەرىمەن كۇرەس جۇمىستارى ۇزدىكسىز اتقارىلۋدا.

«حيميالىق وڭدەۋ وڭتايلى ۋاقىتتا جوعارى بيولوگيالىق تيىمدىلىكپەن جۇزەگە اسىرىلادى. مامانداردىڭ دايىندالۋى جانە ولاردىڭ جۇمىسىن ءتيىمدى ۇيلەستىرۋ ناتيجەسىندە اۋىلشارۋاشىلىق داقىلدارىنا زيان كەلتىرۋ، سونداي-اق كورشىلەس ەلدەردەگى شەگىرتكە زيانكەستەرىنىڭ بىزگە قاراي ءوتۋى بايقالمايدى»، - دەدى ا. ساپاروۆ.

 

 

ءبىرىنشى ۆيتسە-مينيستر ەگىن جيناۋعا قىزۋ دايىندىق  ءجۇرىپ جاتقانىن حابارلادى. اتاپ ايتقاندا، ەلەۆاتورلار مەن استىق قويمالارىن دايىنداۋ جۇمىستارى باستالدى.

رەسپۋبليكادا 189 ليتسەنزيالىق استىق قابىلداۋ كاسىپورنى بار، ولاردىڭ جالپى سىيىمدىلىعى شامامەن 12،4 ملن. توننا. بۇدان باسقا، ءاشتو جانە ليتسەنزياسى جوق استىق قابىلداۋ نىساندارى 14،7 ملن. توننا استىقتى ساقتاۋ مۇمكىندىگىنە يە. وسىلايشا، استىقتى ساقتاۋدىڭ جالپى كولەمى 27 ملن. توننادان اسادى.

«قازىرگى ۋاقىتتا بارلىق ليتسەنزيالانعان استىق قابىلداۋ كاسىپورنى ەلەۆاتورلاردىڭ ماتەريالدىق-تەحنيكالىق بازاسىن دايىنداۋعا كىرىستى. استىق تازارتقىش ماشينالاردىڭ، استىقتى كەپتىرۋگە ارنالعان جابدىقتاردىڭ دايىندىعىنا جانە زيانكەستەردەن زالالسىزداندىرۋ شارالارىن جۇزەگە اسىرۋعا ەرەكشە كوڭىل بولىنەدى»، - دەدى ايداربەك ساپاروۆ.

 

 

 

ۆيتسە-ءمينيستردىڭ ايتۋىنشا، ەلدىڭ وڭتۇستىك وڭىرلەرى ەگىن جيناۋعا كىرىستى. كارتوپ، كوكونىستەر، باقشا داقىلدارى مەن كۇزدىك داقىلدار جينالۋدا. قازىردىڭ وزىندە 93 مىڭ توننا بيداي جانە 26 مىڭ توننا ارپا جينالدى.

«قازاگرو» حولدينگىنىڭ حابارلاۋىنشا، ۇستىمىزدەگى جىلدىڭ 6 ايىندا اگروونەركاسىپتىك كەشەندى نەسيەلەۋگە 211 ميلليارد تەڭگە بولىنگەن. اتاپ ايتقاندا، كوكتەمگى ەگىس جانە ەگىن جيناۋ جۇمىستارىن نەسيەلەندىرۋگە 82 ملرد. تەڭگە، اۋىلشارۋاشىلىق تەحنيكالارىن جاڭارتۋعا 48 ملرد.تەڭگە ءبولىندى، سونىمەن قاتار جالپى قۇنى 5،8 ملرد.تەڭگەگە 10 ءىرى ينۆەستيتسيالىق جوبا ەنگىزىلدى.

«ەڭبەك» مەملەكەتتىك باعدارلاماسى اياسىندا 17 ملرد. تەڭگەگە 4 مىڭنان استام ميكروكرەديت بەرىلدى، ونىڭ جارتىسىن اۋىل كاسىپكەرلەرى الدى.

ءبىرىنشى جارتىجىلدىقتا حولدينگتىڭ جۇمىسىنىڭ ناتيجەسىندە اۋىلداردا 3،8 مىڭ جۇمىس ورنى قۇرىلدى.

مەملەكەت باسشىسىنىڭ تاپسىرماسىمەن حولدينگ ءوز قىزمەتىن وڭتايلاندىرۋ بويىنشا بەلسەندى جۇمىس جۇرگىزۋدە: ەنشىلەس ۇيىمداردىڭ سانى جەتىدەن ۇشكە دەيىن قىسقارتىلدى.

سونداي-اق، فەرمەرلەردىڭ ءوتىنىشى بويىنشا كەپىل ساياساتىنا قويىلاتىن تالاپتار جەتىلدىرىلدى. ەندى ولاردىڭ قامتاماسىز ەتىلۋى وتىمدىلىكتىڭ ەڭ جوعارى كوەففيتسيەنتىمەن باعالانادى. سونىمەن بىرگە، اۋىل شارۋاشىلىعىن قارجىلاي قولداۋ قورى كەپىلگە قويىلعان جەرلەرگە جانە باسقا م ۇلىككە وتىمدىلىك كوەففيتسيەنتتەرىن ارتتىردى، بولاشاقتا قارىز الۋشىنىڭ مەنشىگىنە اينالاتىن كەپىلگە قويىلعان م ۇلىكتى قابىلدايدى.

پاندەميادان زارداپ شەككەن قارىز الۋشىلارعا كەيىنگە قالدىرىلعان تولەم ۇسىنىلادى. 9،5 ملرد.تەڭگە سوماسىنا 3378 قارىز الۋشىنىڭ كەيىنگە قالدىرۋ ءوتىنىشى ماقۇلداندى. بۇل اۋىلدىق جەرلەردە 9 مىڭنان استام جۇمىس ورنىن ساقتاپ قالۋعا مۇمكىندىك بەرىپ وتىر.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار