قازاقستان • 09 شىلدە، 2020

"تەلەدارىگەر" جوباسى اشىلدى

116 رەت كورسەتىلدى

قازىرگى تاڭدا پاندەميا ىندەتى بارلىق وڭىردە ءورشىپ تۇر. سوڭعى مالىمەتكە قاراعاندا، ەلىمىز بويىنشا سىرقاتقا ۇشىراعاندار سانى 51 060 ادامعا جەتىپ، بۇلاردىڭ 17 مىڭدايى جازىلىپ شىقسا، باقيلىق بولعاندار دا بارشىلىق، دەپ جازادى Egemen.kz

وسى ورايدا، Qazaqstan ۇلتتىق تەلەارناسى رەسپۋبليكا تۇرعىندارىنا  مەديتسينالىق كەڭەس بەرۋ ماقساتىندا، 9 شىلدەدەن باستاپ مامان دارىگەرلەردىڭ قاتىسۋىمەن تىكەلەي ەفيردە "تەلەدارىگەر" جوباسىن ۇيىمداستىرۋدى قولعا الىپتى. تەلەجوبا دۇيسەنبى-جۇما كۇندەرى تىكەلەي ەفيردە شىعادى دەپ كۇتىلۋدە.

"پاندەميامەن كۇرەس باستالعالى ۇلتتىق ارنا حالىقتى اقپاراتتاندىرۋعا بارىنشا كۇش سالىپ كەلەدى. تىكەلەي ەفيردە بەرىلىپ كەلە جاتقان "نيەت"، "اشىق الاڭ" باعدارلامالارى ارقىلى اتالعان تاقىرىپتا كۇن سايىن حالىققا اقپارات تاراتىپ كەلدى. ال جاڭادان قولعا الىنىپ وتىرعان "تەلەدارىگەر" جوباسى كورەرمەندەر ءۇشىن ءتيىمدى بولارى انىق. ويتكەنى" قاراپايىم بۇقارا جان-جاقتان قۇيىلىپ جاتقان ءارتۇرلى اقپاراتتار اعىنىنىڭ اق پەن قاراسىن اجىراتىپ تۇسىنە الماي ساندالۋدا. جاڭا جوبا وسى ءۇردىستى رەتتەۋگە ارنالماق. باعدارلاما سۇراق-جاۋاپ فورمات تۇرىندە ۇيىمداستىرىلىپ، ستۋدياعا كەلگەن مامان ءبىر ساعات بويى تەك كورەرمەن تاراپىنان كەلىپ تۇسكەن ساۋالدارعا جاۋاپ بەرەدى"، دەيدى  "قازاقستان" رترك" اق باسقارما ءتورايىمىنىڭ ورىنباسارى يلحام يبراگيم.

سونىمەن قاتار تىكەلەي ەفيردە تەلەفون جەلىسى، WhatsApp مەسسەندجەرى، Skype سياقتى كەرى بايلانىس ورناتۋدىڭ بىرنەشە پلاتفورماسى قاراستىرىلعان كورىنەدى. باعدارلاما ۋاقىتى ازىرگە ءبىر ساعاتقا جوسپارلانىپتى.  ەگەر تيىمدىلىگى ارتىپ جاتسا ەفير ۋاقىتىن ۇزارتاتىن بولامىز، دەيدى ۇيىمداستىرۋشىلار.

ياعني تەلەجوباعا قاتىسۋشى بىلىكتى دارىگەرلەر بەس كۇن بويى تىكەلەي ەفير ارقىلى كورەرمەندەرمەن تىكەلەي بايلانىسقا شىعىپ، الەمدى جاۋلاعان كوروناۆيرۋسپەن كۇرەسۋ جولدارىن تۇسىندىرۋمەن قاتار، COVID-19 جانە وزگە دە اۋرۋلاردان ساقتانۋ، الدىن الۋ شارالارى جايلى، ەمدەۋ تاسىلدەرى تۋرالى نۇسقاۋلىقتار بەرەدى.

باعدارلاما بارىسىندا كەز كەلگەن ادام ستۋدياداعى +7 (7172) 75-71-71 نومىرىنە قوڭىراۋ شالۋ ارقىلى قاجەت سۇراعىنا جاۋاپ الۋعا مۇمكىندىك بار. سونداي-اق +7 775 9073163، +7 775 9073159 WhatsApp نومىرلەرىنە الدىن الا بەينەساۋال جولداپ، تىكەلەي ەفير ۋاقىتىندا دارىگەر ماماننىڭ كەڭەسىن الا الادى. ودان بولەك، دارىگەرلەرگە Skype-بايلانىس ارقىلى ساۋال قويۋ مۇمكىندىگى دە قاراستىرىلعان.

"جوبانىڭ نەگىزگى ماقساتى – ەل تۇرعىندارىنا، اسىرەسە شالعاي اۋىل-ايماقتاعى كورەرمەنگە قازىرگى كۇردەلى احۋالعا بايلانىستى كۇندەلىكتى مەديتسينالىق كەڭەس بەرۋ"، دەيدى ۇلتتىق ارنا ۇجىمى.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار