وزبەكتەر - اۋەل باستان ويىنپاز, قالجىڭباس, ساۋىققوي حالىق. ولاردىڭ حالىق الدىنا شىعىپ ونەر كورسەتەتىن دارشىلارى مەن ماسقاروبوزدارى كەشەگى كەڭەستىك كەزەڭنەن دە كوپ بۇرىن پايدا بولعان. ولاردا ورتا ازيا حالىقتارىنىڭ باسقا وكىلدەرىنە قاراعاندا, جۇرتقا تاماشا قويىپ, ويىن-ساۋىق كورسەتەتىن تەاترلار مەن كوركەمونەرپازدار ۇجىمدارى دا الدەقايدا بۇرىن شىققان. وزبەكتەر دار قۇرىپ, كەرنەي تارتىپ, كەپشىك قاعىپ, توي مەن مەرەكەنىڭ سالتاناتىن اسقاقتاتۋدا ەشكىمدى الدىنا سالماعان.
قازىرگى وزبەكستاندا دا كاسىبي دەڭگەيلەرى وتە جوعارى بىرنەشە ويىن-ساۋىق تەاترى بار. تاماشالاردا اسكيا ايتىپ, جۇرتتى كۇلدىرۋگە جاقسى ماشىقتانعان وزبەك ويىن-ساۋىق وتاۋلارىنىڭ ارتىستەرى اراسىندا كاسىبيلىكتىڭ ءبىر بيىگى – مونولوگ وقۋعا شەبەر ونەر جۇلدىزدارى از ەمەس. سولاردىڭ ءبىرى – «ميرزو تەاترىنىڭ» قۇرىلىپ, جۇمىس جاساي باستاعانىنا جيىرما جىلدان اسىپ كەتىپتى. ونىڭ جەتەكشىسى ميرزوبەك حولمەدوۆ 1961 جىلى 13 جەلتوقساندا تۋعان. وزبەكستاننىڭ ەڭبەك سىڭىرگەن ونەر قايراتكەرى. وزبەك ەستراداسىنىڭ ماسقارابوزى, ساتيريك, اكتەر. ول اكتەر رەتىندە دە بىرنەشە فيلمگە ءتۇسىپ قويعان. ولاردىڭ اراسىندا «اليف-لەيلا» (1992, وزبەكستان-ءۇندىستان), «دوستار» (2005, وزبەكستان), «دوستار-2» (2008, وزبەكستان), «بەكورچيلار» (2010, «ارامتاماقتار», رەسەي-وزبەكستان) سەكىلدى كارتينالار بار.
ءبىز ەندى «ميرزو تەاترىنىڭ» بيىلعى جىلعى ءبىر كونتسەرتىن نازارلارىڭىزعا ۇسىنامىز. تاماشا, البەتتە, وزبەك تىلىندە جۇرەدى. بىراق وعان ىقىلاس قويىپ, تىڭداعان ادام اڭگىمەنىڭ نە تۋرالى بولىپ وتىرعانىن ۇعىنا الادى. ەڭ باستىسى, بۇلاردا وزبەك تاماشاشىلارىنىڭ كاسىبي دەڭگەيى جوعارى ەكەنىن انىق بايقاۋعا بولادى. ءبىر جاعى, ءوز سىقاق تەاترلارىمىزدىڭ ونەرلەرىمەن سالىستىرىپ تا قاراۋعا مۇمكىندىك بار.
سونىمەن, ىسكە ءسات!
{youtube}fZ8wmJQjUlw{/youtube}
