كەشە تايلاندتا ءىرى جول اپاتى بولدى. بۇل تۋرالى يتار-تاسس حابارلادى.
اپاتتان جاراقات العان رەسەيدىڭ 28 ازاماتى كانچانابۋري پروۆينتسياسىنداعى اۋرۋحاناعا جەتكىزىلدى. ونىڭ ىشىندە التى ادام جان ساقتاۋ بولىمىنە جاتقىزىلدى.
«قازىر رەسەيدىڭ ەكى ازاماتشاسى كومادا جاتىر. كەشە تايلاند دارىگەرلەرى ءۇش وتا جاسادى. بۇگىنگە دە بىرنەشە وتا جوسپارلانعان», – دەيدى ونداعى رەسەي كونسۋلدىعىنىڭ مەڭگەرۋشىسى اندرەي دۆورنيكوۆ.
جول اپاتى جۇما كۇنى كانچانابۋري پروۆينتسياسىندا ورىن الدى. ساياحاتشىلاردى پاتتايا قالاسىنان كۆاي وزەنىنە تاسىمالداپ بارا جاتقان اۆتوبۋس اۋدارىلىپ تۇسكەن. ول كەزدە كولىك ىشىندە 42 جولاۋشى بولعان. «پەگاس-تۋريستيك» كومپانياسىنا تيەسىلى بۇل اۆتوبۋستىڭ جۇرگىزۋشىسى سايعا ءتۇسىپ بارا جاتقاندا ءرولدى باعىندىرا الماي قالعانىن ايتادى. پوليتسيا تەرگەۋ امالدارىنان كەيىن جۇرگىزۋشىنىڭ اپات كەزىندە ساۋ بولعانىن مالىمدەدى.
ايدار ورىسباەۆ.
