قاتىسۋشىلار ۋكراينا مەن قازاقستاننىڭ تاجىريبەلى جاتتىقتىرۋشىلارى: حمەلنيتسكي ورتالىقتاندىرىلعان كىتاپحانا جۇيەسىنىڭ ديرەكتورى, «كىتاپحاناشىلارعا ارنالعان مەدياساۋاتتىلىق» قۇرالىنىڭ اۆتورى تامارا كوزيتسكا, بەلگىلى مەدياجاتتىقتىرۋشى مەيرامحان جاپەك جانە ل. تولستوي ات. قوستاناي وبلىستىق امبەباپ عىلىمي كىتاپحاناسىنىڭ ديرەكتورى داريحا دۇيسەباەۆا.
ترەنينگ قاتىسۋشىلارى مەديابىلىم بەرۋ جانە مەدياساۋاتتىلىق ۇلگىلەرىمەن تانىسادى:
• مەدياساۋاتتىلىق كۇندەلىكتى ومىرگە قاجەتتى داعدى;
• جاڭالىقتى سارالاي ءبىلۋ. اقپاراتتى جەتكىزۋدىڭ ستاندارتتارى. اقپاراتتىڭ تۋرالىعىن قالاي تەكسەرۋگە بولادى. اقپارات كوزدەرىنىڭ جىكتەلۋى;
• اقپاراتتىق سوعىس: ناسيحاتتان قالاي قۇتىلۋعا بولادى نەمەسە حالىق نەگە وڭاي الدانىپ قالادى;
• سىني تۇرعىدان ويلاۋدىڭ تەحنولوگيالارى مەن ادىستەرى.
ءتورت وبلىستىڭ كىتاپحاناشىلارى اتسالىسىپ جاتقان ونلاين ترەنينگتىڭ العاشقى كۇنىن قوستاني وبلىستىق مادەنيەت باسقارماسىنىڭ باسشىسى ەرلان قالماقوۆ اشىپ, ءسوز سويلەدى. ترەنينگ قازاق جانە ورىس تىلدەرىندە وتۋدە.
جوبا حالىقارالىق دامۋ جونىندەگى اقش اگەنتتىگىنىڭ (#USAID) قولداۋىمەن #MediaCAMP ورتالىق ازيا باعدارلاماسى اياسىندا جۇزەگە اسىرىلۋدا.
