ايماقتار • 07 شىلدە، 2020

الماتىعا ماسكەۋلىك دارىگەرلەر بريگاداسى كەلدى

60 رەت كورسەتىلدى

باۋىرلاس قالالار باسشىلارى اراسىنداعى كەلىسىم اياسىندا ماسكەۋلىك دارىگەرلەر بريگاداسى الماتىداعى ستاتسيونارلار بازاسىندا COVID-19-عا قارسى كۇرەسكە قاتىساتىن بولادى.

الماتى قالاسىنىڭ اكىمى باقىتجان ساعىنتاەۆ اپپاراتتىق كەڭەستە كوروناۆيرۋس ينفەكتسياسىنىڭ تارالۋىن بولدىرماۋ جونىندەگى كوميسسيا مۇشەلەرىنە ەكى مەگاپوليس مەرلەرى اراسىنداعى كەلىسىم بويىنشا كەشە قالاعا كەلگەن ماسكەۋلىك ماماندار بريگاداسىنىڭ باسشىسىن ماسكەۋ قالاسى دەنساۋلىق ساقتاۋ دەپارتامەنتى باسشىسىنىڭ ورىنباسارى الەكسەي توكارەۆتى تانىستىردى.

قازىرگى كەزدە كوروناۆيرۋس پاندەمياسىنا قارسى بىرلەسىپ كۇرەسۋدىڭ جوباسى قولعا الىنۋدا. بۇل جوبانى الماتى اكىمدىگى تاراپىنان اكىمنىڭ ورىنباسارى ەرجان باباقۇماروۆ، ال ماسكەۋ ۇكىمەتى جاعىنان ماسكەۋ مەرىنىڭ ورىنباسارى اناستاسيا راكوۆا ۇيلەستىرەدى.

مەگاپوليسكە كەلگەن ينفەكتسيونيستەر جانە ەپيدەميولوگتار، انەستەزيولوگتار، رەانيماتولوگتار، كارديولوگتار، پۋلمانولوگتار، سونىمەن قاتار،دەنساۋلىق ساقتاۋ سالاسىنداعى ساراپشىلار كەڭەس بەرەدى جانە ادىستەمەلىك كومەك كورسەتەدى. الماتىعا قۇرامىندا بارلىعى 23 ماماننان تۇراتىن توپ كەلدى.

1

رەسەيدەن كەلگەن ماماندار دەلەگاتسياسى ەمدەۋ توپتارىنا بولىنەدى. ياعني، 3-4 توپتار الماتىنىڭ مەديتسينالىق ۇيىمدارىنىڭ بازاسىندا اۋىر ناۋقاستاردى باعىتتاۋ جانە ەمدەۋ جۇمىستارىنا قاتىسادى. ال، قوسىمشا جاساقتالعان 2-3 توپتار COVID-19 ىندەتىنە شالدىققان ءارى سيمپتومسىزدان سيمپتومدى دەڭگەيگە جەتكەن ناۋقاستارعا مەديتسينالىق كومەك كورسەتەدى. سونىمەن قاتار، مامانداردىڭ تاعى ءبىر توبى لابوراتوريالىق زەرتتەۋلەردى ۇيىمداستىرۋ ماسەلەسىمەن اينالىساتىن بولادى.

وسىلايشا، الماتى اكىمى باقىتجان ساعىنتاەۆ پەن ماسكەۋ مەرى سەرگەي ءسوبيانيننىڭ جەكە كەلىسىمدەرىنىڭ ارقاسىندا باۋىرلاس قالالار اراسىنداعى ىنتىماقتاستىقتىڭ وسىناۋ ۇتىمدى جوباسى كوروناۆيرۋس ينفەكتسياسىنىڭ تارالۋىنا قارسى كۇرەستە قابىلدانعان شارالاردىڭ پارمەندىلىگىن ارتتىرۋعا ىقپال ەتەتىن بولادى.

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار