باس قولباسشى

ەلدىڭ ىشكى قۋاتى

تاۋەلسىزدىگىمىزدى جاريالاعاننان كەيىن, اراعا 26 كۇن سالىپ, كەشەگى ىشكى اسكەر بۇگىنگى ۇلتتىق ۇلان قۇرىلدى. سول ساتتەن باستاپ قۇقىقتىق ءتار­تىپ اسكەرى ەل مەن ەلباسىنىڭ باستا­ما­لارىن قولدايتىن, حالىقتى, ازا­ماتتى, مەملەكەتتى زاڭسىز ارە­كەت­تەردەن قورعايتىن قۋاتتى قۇرى­لىمعا اينالدى. ۋاقىت وتكەن سايىن قۇقىقتىق ءتارتىپتىڭ تۇرپاتى بيىك­تەپ, ورنى دارالانا باستادى.

ەلباسى 1998 جىلى شىلدە ايىن­دا ءىىم ىشكى اسكەردىڭ باس قولباس­شى­لىعىنا ساپارمەن كەلىپ, استانا گارنيزونىنداعى ەكى اسكەري بولىمگە جاۋىنگەرلىك تۋدى تاپسىردى.

«...ىشكى اسكەرىمىز ماڭىزدى مىن­­دەت­تەردى اتقارادى, ەلىمىزدىڭ ىشكى قا­ۋىپ­سىزدىگىن قامتاماسىز ەتىپ, مەم­لەكەتتىڭ ۇلتتىق قاۋىپسىز­دىگىن نىعايتۋعا ۇلكەن ۇلەس قو­سىپ كەلەدى. مەن مەملەكەتتىڭ قارۋ­لى كۇشتەرىنىڭ جوعارعى باس قول­باس­­شىسى رەتىندە اسكەر قۇرامى­نىڭ جو­عارعى دەڭگەيدە قامتا­ماسىز ەتىلۋىنە جانە سىزدەردىڭ قىزمەتتەرىڭىز جاقسى جاعدايدا وتۋىنە قامقورلىق جاساي بەرەتىن بولامىن», دەپ اتاپ ءوتتى ەلباسى.

مەملەكەتتىڭ كوك تۋىن بيىكتەتە ءتۇسۋ مىندەتى ءاربىر قازاقستان ازا­ما­تىنا تاعدىر سىيلاعان ۇلى باقىت دەسەك تە بولادى. ال باقىت ەلباسى ايتقانداي, «باعالاي بىلگەننىڭ باسىندا تۇرادى». تاۋەلسىزدىكتىڭ نەگىزگى تىرەگى مەملەكەت ىشىندەگى تۇراقتىلىقتى قامتاماسىز ەتەتىن ۇلتتىق اسكەر ەكەنى ءسوزسىز. ۇلتتىق قاۋىپسىزدىكتىڭ نەگىزگى بولىگىنىڭ ءبىرى – ەلدىڭ ىشكى قاۋىپسىزدىگى. وسى ورايدا قازاقستان رەسپۋبليكاسى ۇلتتىق ۇلانىنىڭ كۇش-قۋاتىن ارتتىرۋ مەن جەتىلدىرۋگە, ينفراقۇرىلىمىن دامىتۋعا ەلباسى ن.نازارباەۆتىڭ تاراپىنان ءاردايىم ۇلكەن كوڭىل ءبولىنىپ, قاۋىپسىزدىك ماسەلەلەرى اركەز نازاردان تىس قالماي كەلەدى. بۇگىنگى تاڭدا قاۋىپسىزدىك جۇيەسىن جەتىلدىرۋ, ۇلتتىق ۇلان اسكەري بولىمدەرىن زاماناۋي قۇرال-جابدىقتارمەن قام­تاماسىز ەتۋگە ارنالعان شارالار ءوز كەزەگىندە ەل تىنىشتىعىنىڭ سەنىم­دى قورعالىپ, اسكەري قۇرىلىم­داردىڭ ماتەريالدىق-تەحنيكالىق بازا­سىنىڭ جانە الەۋمەتتىك-تۇرمىستىق جاعدايلارىنىڭ جاقسارۋىنا اكەلدى. وسىدان تاۋەلسىزدىك جىلدارىنداعى ۇلتتىق ۇلاننىڭ قالىپتاسۋى ءارى ۆەدومستۆونىڭ بۇگىنگى زاماناۋي قۇرالدارمەن جاراقتالعان, الەۋەتى زور, قۋاتتى ورگاننىڭ بىرىنە اينالۋىنا دا ەلباسىنىڭ سىڭىرگەن ەڭبەگى مەن قامقورلىعى ۇشان-تەڭىز ەكەنىن اڭعارۋعا بولادى.

2014 جىلدىڭ 21 ساۋىرىندە ەل­با­سى ن.نازارباەۆتىڭ جارلى­عى­­مەن ءىىم ىشكى اسكەرى قازاقستان رەس­پۋبليكاسىنىڭ ۇلتتىق ۇلانى بولىپ قايتا قۇرىلدى. بۇل شەشىمدى قابىلدار الدىندا شەتەلدىك تاجى­ريبەلەر ەسكەرىلگەنىن ەسكەرگەن ءجون. ال 2015 جىلدىڭ 10 قاڭتار­ىندا ەلباسى «قازاقستان رەسپۋب­لي­كاسىنىڭ ۇلتتىق ۇلانى تۋرالى» زاڭعا قول قويدى. بۇل قۇقىقتىق ءتارتىپ اسكەرىنىڭ تاريحىنداعى ەلەۋلى وقيعا, مەملەكەت باسشىسى تاراپىنان كورسەتىلگەن قامقورلىقتىڭ لوگيكالىق جالعاسى بولدى. اراعا ءبىر جىل سالىپ, ەلباسىنىڭ الماتى وبلىسى زارەچنىي كەنتىندەگى ءىىم ارنايى ماقساتتاعى بولىمشەلەرىنىڭ جاۋىنگەرلىك جانە ادىستەمەلىك دايىندىعىنا ارنالعان ورتالىققا ات باسىن بۇرىپ, جەكە تانىسۋى اسكەر تاريحىنداعى ايرىقشا وقيعالاردىڭ ءبىرى بولدى. وسى جەردە ەلىمىزدىڭ كۇش-قۋات قۇرىلىمدارىنىڭ ار­نايى ماقساتتاعى بولىمشەلەرىنىڭ قا­تىسۋىمەن «قايسار-2016» كەشەندى جاتتىعۋى وتكىزىلىپ, جاساقتاردىڭ انتي­تەرروريستىك باعىتتاعى وپەرا­تسيا­لاردى جۇرگىزۋدەگى ءادىس-تاسىلدەرى پىسىقتالدى.

قورعانىسىمىزدىڭ تەمىر قازىعى

ارينە كەڭەس وداعى ىدىرا­عان­نان كەيىنگى جىلدارى قازاقستاننىڭ اسكەري احۋالى دا السىرەدى. ال تاۋەل­سىزدىككە ەندى قول جەتكىزگەن ەل ءۇشىن ەگەمەندىگى مەن اۋماقتىق تۇتاس­تىعىن قورعايتىن ءوز قارۋلى كۇش­تەرىن قۇرۋى ومىرلىك ماڭىزدى مىندەت بولىپ سانالدى. جاڭا ۇلگىدەگى ارميا قۇرۋ ءۇشىن اسكەري قۇ­­رى­لىس­تىڭ زاڭنامالىق نەگىزىن, تۇ­جى­رىم­داماسى مەن تەتىگىن جاساۋ قاجەت  بولدى.

1991 جىلعى 25 قازاندا قازاق­ستاننىڭ تۇڭعىش پرەزيدەنتى وسى يگى ماقسات جولىنداعى ەڭ العاش­قى قادامىن جاسادى, بۇل كۇنى مەم­لە­كەتتىك قورعانىس كوميتەتىن قۇرۋ تۋ­رالى جارلىققا قول قويىلدى. قازاق كسر مەملەكەتتىك قورعانىس كو­ميتەتىنىڭ توراعاسى بولىپ تاۋەلسىز قازاقستان قارۋلى كۇشتەرىنىڭ قۇ­رى­لۋى مەن دامۋىندا ەرەكشە ورىن الاتىن تۇلعالاردىڭ ءبىرى ساعادات نۇرما­عامبەتوۆ تاعايىندالدى. از ۋاقىت ىشىندە كوميتەتتىڭ نەگىزگى لا­ۋا­­زىمدارى تاجىريبەلى وفيتسەر­لەر­دەن جاساقتالدى.

1991 جىلدىڭ جەلتوقسانىندا بۇرىنعى وداق ەلدەرىنىڭ تاعدىرىنا قاتىستى كوپتەگەن شەشىم قابىل­داندى. سولاردىڭ ءبىرى – جاڭا قۇرىل­عان تمد مەملەكەتتەرى اسكەري الەۋە­تىنىڭ ەندىگى تاعدىرىنا قاتىستى. وتپەلى كەزەڭ كەزىندە بۇرىنعى وداق ەلدەرىنىڭ قورعانىس ءىسى ستراتەگيالىق جانە قارۋلى كۇشتەرگە, شەكارا اس­كەر­لەرىنە بىرىكتىرىلدى. بىراق ۋاقىت كوشىن توقتاتۋ مۇمكىن ەمەس ەدى. بۇ­رىنعى وداقتىڭ بىرىككەن قارۋلى كۇشتەرىنىڭ عۇمىرى ۇزاق بولماسى بايقالدى.

1992 جىلدىڭ باسىندا ەل­باسى اسكەري ماسەلەلەر تۇجىرىم­دا­ما­سىن ازىرلەۋگە تاپسىرما بەردى. سون­داي-اق اسكەري بولىمدەردىڭ قارۋ-جاراق جانە تەحنيكاسىن, مۇل­­كىن تۇگەندەۋ, احۋالىن تەكسەرۋ جانە اسكەري وقۋ-جاتتىعۋ الاڭ­دارىن عىلىمي-تەحنيكالىق جاساق­تاۋ, قا­زاق­ستان اۋماعىندا ورنالاس­قان اس­كە­ري زاۋىتتاردى وندىرىستىك جاب­دىق­تاۋ تۋرالى دا شەشىم قابىل­داندى.

اسكەري قۇرىلىس تۇجىرىم­دا­­ماسىنىڭ جوباسى قاۋىپسىزدىك كەڭەسىندە قارالىپ, ونداعى باستى ماسەلە – وتپەلى كەزەڭ اياقتالعان سوڭ ەلى­مىزدىڭ ءوز قارۋلى كۇشتەرىن قۇرۋى مۇمكىن ەكەنىنە نازار اۋدار­دى. مەملەكەتتىك قورعانىس كوميتەتى ەلدىڭ اسكەري الەۋەتىنىڭ باعىت-باع­دار­ىن ايقىنداۋعا قاتىستى بۇدان باس­قا دا كوپتەگەن ءىس-شارالاردى جەدەل جۇزەگە اسىرىپ, ءتۇرلى ۇيىم­داس­تىرۋ, تالداۋ جۇمىستارىن جۇر­گىزدى, سونداي-اق باقىلاۋ مىندەتىن دە اتقاردى.

1992 جىلعى 7 مامىردا ەلباسى تاۋەلسىز ەلدىڭ اسكەري قاۋىپسىزدىك جۇيەسىن قۇرۋداعى كەلەسى شەشۋشى قۇقىقتىق اكت – «قازاقستان رەسپۋب­ليكاسىنىڭ قارۋلى كۇشتەرىن قۇرۋ تۋرالى» جارلىققا قول قويدى. وسى ماڭىزدى قۇجات قازاقستان اۋ­ما­عىندا ورنالاسقان قارۋلى كۇش­تەر مەن ونىڭ بۇكىل مۇلكى رەسپۋب­لي­كانىڭ قۇزىرەتىنە كوشەتىنىن انىق­تاپ بەردى.

ەلىمىزدىڭ كەڭ بايتاق اۋماعىندا كوپتەگەن اسكەري بولىمدەر, بازالار, اسكەري-زەرتتەۋ نىساندارى مەن وقۋ-جاتتىعۋ الاڭدارى, سونىڭ ىشىن­دە عارىشتى زەرتتەۋ جانە اۋە قورعا­نىسىنا قاتىستى نىساندار بولدى.

ەلباسى 1997 جىلى 17 قاراشادا قارۋلى كۇشتەر قۇرىلىمىنا ەلەۋلى وزگەرىستەر ەنگىزگەن جارلىققا قول قويدى. اۋەلى قورعانىس مينيسترلىگى مەن باس شتابتىڭ قىزمەت اۋقى­مى اجىراتىلدى. قورعانىس مينيستر­لىگىنە اسكەري-ساياسي باسشىلىق جاساۋ, ەلدەگى قورعانىس قۇرىلىسىن ۇيىم­داستىرۋ جانە قارۋلى كۇشتەر­دىڭ تۇرلەرىن باسقارۋ جۇكتەلدى. باس شتابقا قارۋلى كۇشتەردى شۇ­عىل-ستراتەگيالىق قولدانۋشى ورگان قىزمەتى تاپسىرىلدى. وسى وزگەرىس­تەردىڭ بارلىعى «باسقا مەملە­كەت­تەر سياقتى قازاقستان دا ءوزىنىڭ قور­عانىسقا قابىلەتتىلىگىن نىعايتۋدى بۇكىلحالىقتىق ءىس جانە مەملەكەتتىڭ ەڭ باستى مۇراتتارىنىڭ ءبىرى دەپ سا­ناي­دى. ءبىزدىڭ باستى ماقساتىمىز – قا­زاق­ستاننىڭ ەگەمەندىگى مەن اۋماق­تىق تۇتاستىعىن قورعاۋ» دەگەن ەلبا­سىمىزدىڭ قاداعالاۋىندا بولدى.

2012 جىلى قازاقستان رەسپۋب­لي­كاسىنىڭ «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭىنا سەرجانتتىق كور­پۋسقا قاتىستى بىرقاتار وزگەر­تۋلەر مەن تولىقتىرۋلار ەنگىزىلدى: «سەر­جانتتار» ءسوزىنىڭ ماعىناسى ناق­تىلانىپ, كوماندالىق قۇرامنىڭ وزىنە سەنىپ تاپسىرىلعان جەكە قۇ­رامدى باسقارۋ ءىسىن جۇزەگە اسىراتىن, قاراماعىنداعىلاردى وقىتۋ مەن تاربيەلەۋ مىندەتىن اتقاراتىن اسكەري قىزمەتشىلەرى ساناتى دەپ تانىلدى.

تۇڭعىش پرەزيدەنتتىڭ سىندارلى ساياساتىنىڭ ارقاسىندا, سونداي-اق قورعانىس مينيسترلىگى مەن باس شتاب جەتەكشىلەرىنىڭ قولداۋىمەن قارۋلى كۇشتەردىڭ سەرجانتتىق كورپۋسى بۇگىندە ءوزىنىڭ دامۋ جولىندا ايتارلىقتاي جەتىستىكتەرگە قول جەتكىزدى.

تاۋەلسىزدىك الۋىمىزعا بايلا­نىستى, قازاقستان اسكەري قاۋىپسىز­دىگىنىڭ نەگىزىن قۇرۋ ماقساتىندا, تۇڭ­عىش پرەزيدەنت جارلىعىمەن از عانا ۋاقىت ىشىندە قارۋلى كۇشتەر­مەن قاتار, باسقا دا اسكەرلەر مەن اسكەري قۇرىلىمدار قۇرىلىپ, كۇنى بۇگىنگە دەيىن ەلىمىزدىڭ ەگەمەندىگى مەن اۋماقتىق تۇتاستىعىن ساقتا­لۋىن كۇزەتىپ كەلەدى. مەملەكە­تى­مىز­دىڭ ەگەمەندىگىن كۇزەتىپ كەلە جات­قان قۇرىلىمدار اراسىندا تاۋەل­سىز قازاقستان شەكاراسىنا قولسۇعىل­ماۋىنا جاۋاپتى ۇقك شەكارا قىز­مەتى دە بار. 

شەگەندەلگەن شەكارا – قاۋىپسىزدىك كەپىلى

ۇقك شەكارا قىزمەتى 1992 جىل­دىڭ 18 تامىزىندا قۇرىلدى. قازاق­ستاننىڭ شەكارا اسكەرلەرىنىڭ نەگىزگى بازاسى بولىپ كسرو مەملەكەتتىك قاۋىپسىزدىك كوميتەتى شىعىس شەكا­را­لىق وكرۋگىنىڭ قۇرامالارى مەن اسكەري بولىمدەرى سانالادى. مەم­لە­كەتتىڭ تۇڭعىش پرەزيدەنتى جار­لىققا قول قويۋدان بۇرىن, 1992 جىلى 9 تامىزدا شونجى شەكا­را جاساعىنداعى «بايانكول» (بەكە­تىن) زاستاۆاسىنا العاش رەت بارىپ, جەكە قۇرامنىڭ جاۋىنگەرلىك قىزمەتىمەن, ءومىرى جانە تۇرمىستىق جاع­دايىمەن تانىسقانىن ايتا كەت­كەن ءجون.

اراعا جارتى جىل سالىپ, 1993 جى­لى 13 قاڭتاردا قازاقستان رەسپۋب­ليكاسى جوعارعى كەڭەسىنىڭ سەسسيا­سىندا «قازاقستان رەسپۋبليكاسىنىڭ مەملەكەتتىك شەكاراسى تۋرالى» جانە «قازاقستان رەسپۋبليكاسىنىڭ شەكارا اسكەرلەرى تۋرالى» زاڭ­دارىن قابىلداپ, مەملەكەتتىك شە­كارادا رەسپۋبليكانىڭ ۇلتتىق جانە اۋماقتىق مۇددەسىن ساقتاۋدىڭ قۇ­قىقتىق نەگىزدەرىن بەلگىلەدى.

1996 جىلى 17 قاڭتاردا قازاق­ستان­نىڭ تۇڭعىش پرەزي­دەنتى شە­كارا اسكەرلەرىنىڭ مەملە­كەت­تىك شەكا­رانى كۇزەتۋ تۇجىرىم­دا­ما­سىن جانە 1996-2000 جىل­دارى مەم­لەكەتتىك شەكارانى قالىپ­تاستىرۋ جانە جايلاستىرۋ, قازاق­ستان رەس­پۋبليكاسىنىڭ شەكارا اسكەر­لە­رىنىڭ قۇرىلىسى مەن دامۋى مەم­لە­كەتتىك باعدارلاماسىن بەكىتەتىن جارلىق شىعاردى.

مەملەكەتتىك شەكارانى قورعاۋ سالاسىنداعى جاڭا زاڭنامانىڭ قابىلدانۋى ماڭىزدى وقيعانىڭ ءبىرى بولدى. 2013 جىلى 16 قاڭتاردا قازاقستان رەسپۋبليكاسىنىڭ «مەم­لە­كەتتىك شەكاراسى تۋرالى» زاڭى قابىلداندى. بۇل زاڭ مەملەكەتتىك شەكارا تۋرالى زاڭنامانى جەتىل­دىرۋگە, سونداي-اق وسى سالاداعى مەم­لەكەتتىك ورگانداردىڭ وكىلەتتىگى مەن اتقاراتىن قىزمەتتەرىن ناقتىلاۋعا باعىتتالدى. وسى قۇجاتپەن «قا­زاق­ستان رەسۋبليكاسىنىڭ مەملەكەتتىك شەكاراسى تۋرالى» جانە «قازاقستان رەسپۋبليكاسى ۇلتتىق قاۋىپسىزدىك كومي­تەتىنىڭ شەكارا قىزمەتى تۋرا­لى» زاڭدارى بىرىكتىرىلدى. زاڭ مەم­لەكەتتىك شەكارانى قورعاۋ مەن كۇ­زەتۋ مىندەتىن اتقارۋ كەزىندە قا­زاق­ستاننىڭ وكىلەتتى ورگاندارىنىڭ قارۋ-جاراق, اسكەري تەحنيكا جانە ارنايى قۇرالداردى قولدانۋ شارت­تارى مەن تالاپتارىن دا انىق­تاپ بەردى.

بەيبىتسۇيگىشتىك – باستى ۇستانىم

ايتىپ ءوتۋ كەرەك, قازاقستان اس­كەري دوكترينانى قابىلداعان ورتالىق ازياداعى العاشقى مەملە­كەت بولدى, بۇل نۇرسۇلتان ءابىش ۇلى نازارباەۆتىڭ مەملەكەتتىك قۇرىلىس ماسەلەلەرىندەگى تاباندىلىعىن تاعى ءبىر مارتە دالەلدەيدى. اسكەري دوكترينا سوعىستى بولدىرماۋ جو­نىن­دەگى شارالاردى دا, رەسپۋبلي­كانىڭ ەگەمەندىگى مەن اۋماقتىق تۇ­تاستىعىن قورعاۋ تاسىلدەرىن دە كوزدەدى. سونىمەن قاتار قازاقستان­نىڭ تاۋەلسىزدىك كەزەڭىندە قاۋىپ-قاتەرلەر مەن سىن-قاتەرلەر سيپاتى, گەوساياسي جانە ەكونوميكالىق احۋال ۇنەمى وزگەرىسكە ۇشىراپ وتىر­دى, وسىعان بايلانىستى ۇلتتىق قاۋىپ­سىزدىكتى قامتاماسىز ەتۋ تاسىلدەرى دە وزگەرگەنىن اتاپ وتكەن ءجون.

جالپى, ەلباسى قازاقستان رەس­پۋبليكاسىنىڭ 5 اسكەري دوكتري­ناسىنا قول قويدى.

تۇڭعىش پرەزيدەنت نۇرسۇلتان نازارباەۆ ءوزىنىڭ 2017 جىلعى 29 قىركۇيەكتەگى №554 جارلىعىمەن قازاقستاننىڭ جاڭا اسكەري دوكتريناسىن بەكىتتى.

بەسىنشى دوكترينادا رەسپۋب­ليكاعا كەلىپ-كەتەر ىقتيمال اسكەري قاتەرلەرىن ەسكەرە وتىرىپ, اسكەري-ساياسي, اسكەري-ستراتەگيالىق جانە اسكەري-ەكونوميكالىق سالاداعى, مەملەكەتتىڭ جۇمىلدىرۋ دا­يىن­دىعى جونىندەگى مەملەكەتتىك قىز­مەتتىڭ نەگىزگى باعىتتارى, سونداي-اق قازاقستاننىڭ اسكەري ۇيىمىن دامىتۋ جونىندەگى نەگىزگى شارالار ايقىندالعان. قۇجاتقا سايكەس, اسكەري دوكترينا قورعانىس سيپا­تىنا يە جانە قازاقستاننىڭ ديپ­لو­ماتيالىق, ساياسي, قۇقىقتىق, ەكونو­ميكالىق جانە باسقا دا اسكەري ەمەس قۇرالداردىڭ ۇلتتىق مۇددەلەرىن قورعاۋ ءۇشىن باسىم پايدالانۋعا بەيىمدىلىگىن كورسەتەدى.

ەلباسىنىڭ قۇقىقتىق مۇراگەرى, بۇگىنگى پرەزيدەنت قاسىم-جومارت توقاەۆ قارۋلى كۇشتەردىڭ جو­عار­عى باس قولباسشىسى رەتىندە تۇڭعىش پرەزيدەنتتىڭ جولىن جالعاس­تىرۋ­شىسى دەپ زور سەنىممەن ايتىپ وت­سەك بولادى. مەملەكەت باسشىسى ق.توقاەۆتىڭ «سىندارلى قوعامدىق ديالوگ – قازاقستاننىڭ تۇراق­تى­لىعى مەن وركەندەۋىنىڭ نەگىزى» ات­تى جولداۋىنان ۇلتتىق اسكەر­گە دەگەن قامقورلىقتى بايقاي­مىز. ء«بىزدىڭ الدىمىزدا جاڭا تۇجى­رىم­­داما نەگىزىندە تەگەۋرىندى əسكەر قالىپتاستىرۋ مىندەتى تۇر» دەگەن مەملەكەت باسشىسى ءسوزىن «اسكەري قىزمەتتىڭ بەدەلىن ارتتىرىپ, قارۋ­لى كۇشتەردىڭ ماتەريالدىق بازاسىن نىعايتۋ قاجەت. وتانىنا ادال, كəسىبي تۇرعىدان دايىندالعان وفيتسەرلەرى مەن əسكەري قىزمەتشىلەرى بار ار­ميامىز جاڭا گەوساياسي جاعدايلاردا ەل قاۋىپسىزدىگىنە قاۋىپ توندىرەتىن قاتەر­لەرگە تويتارىس بەرۋگە دايىن بولۋ كەرەك», دەگەن ويمەن تۇجى­رىم­دادى. ەل پرەزيدەنتىنىڭ وتاندىق اسكەر مەن كۇش قۇرىلىمدارىنا دە­گەن كوزقاراسى تۇڭعىش پرەزيدەنت ن.نازارباەۆتىڭ ۇلتتىق اسكەردى قۇ­­­رۋداعى ۇشان-تەڭىز ەڭبەگىنىڭ جال­­عاسى. ەلباسى ن.نازارباەۆ قاۋىپ­­­­­سىزدىك كەڭەسىنىڭ توراعاسى رە­تىن­­­دە دە اسكەردىڭ دامۋ ماسەلەسىن نا­­زار­دان تىس قالدىرماي, ۇنەمى ءوز نازارىندا ۇستاۋى, وتاندىق قارۋلى كۇش­تەرىمىزدىڭ بولاشاعىنا الاڭداۋ ونىڭ عالامدىق دەڭگەيدەگى تۇلعا رەتىندەگى كورەگەندىگىنىڭ بەلگىسى دەپ بىلەمىز.

اباي تاسبولاتوۆ,

گەنەرال-لەيتەنانت,

پارلامەنت ءماجىلىسىنىڭ دەپۋتاتى