قازاقستان • 05 شىلدە، 2020

COVID-19: حاتتاماعا وزگەرىس قاجەت پە؟

378 رەت كورسەتىلدى

COVID-19 جەر شارى تۇرعىندارىن ءدۇر سىلكىندىردى. توزاڭنان دا كىشى ۆيرۋس ءامىرىن توقتاتۋ ءۇشىن ونىمەن كۇرەسكە الەم عالىمدارى مەن دارىگەرلەرى جابىلسا دا جەڭىلەتىن ءتۇرى جوق. سوڭعى اپتادا ەلىمىزدە وسى ۆيرۋستان، سونىڭ اسەرىنەن تۋعان پنەۆمونيادان قايتىس بولعاندار سانى كوبەيدى، - دەپ جازادى Egemen.kz

بۇگىندە COVID-19 –دىڭ ناقتى ەمى تابىلعان جوق، تەك سيمتومدارىنا قاراپ پراتسيەنتتەرگە كومەك بەرىلەدى.  ءبىراز ادام جازىلىپ تا شىقتى. الايدا الدە قايتەر دەيسىڭمەن، ۆيرۋسقا سەنبەگەن بەيعامدىقتىڭ كەسىرىنەن ىندەت شىرماۋىنا تۇسكەن جاستىڭ دا، جاسامىستىڭ دا بۇل فانيمەن قوشتاسىپ جاتقانى ايان. سونداي ء ار حاباردى العان سايىن، جۇرتشىلىق كوڭىلى قاتتى الاڭداۋلى. قورقىنىش، ۇرەي جايلاعان جەردە ەمنىڭ دە شيپاسى قاي ءجوندى؟

كۆي عىلىمدا بۇرىن بەلگىلى بولعانىمەن بىلتىر كۇزدە ۋحاندا شىققان ۆيرۋستىڭ ءدال وسى شتاممى  كۇللى ادامزاتتىڭ ەكى اياعىن ءبىر ەتىككە تىقتى. ءار مەملەكەت ءوز قوتىرىن ءوزى قاسىپ، ددسۇ ۇسىنعان حاتتامالار نەگىزىندە پاتسيەنتتەردى ەمدەۋ ۇستىندە. سوعان قاراماستان، قۇرباندىق سانى ازايار ەمەس. جارتى ميلليوننان استى. بۇل– كۇللى الەم تارتىپ وتىرعان تاقسىرەت.

جاڭا شتامم بولعاندىقتان ونىمەن كۇرەستىڭ ەڭ ءبىر ءتيىمدىسىن تابۋ دا وڭاي ەمەس ەكەن. قازىر بارشا قازاقستاندىق بويىن قاتتى قورقىنىش بيلەپ تۇرعان ۋاقىتتا الەۋمەتتىك جەلىدە اينا المۇراتقىزى اتتى دارىگەر پرەزيدەنت ق. توقاەۆقا ۇندەۋ جاريالادى. وندا ادامدار كۆي-دان ەمەس، حاتتاماداعى ەمنىڭ دۇرىس ەمەستىگىنەن قايتىس بولىپ جاتقانىن ايتقان دارىگەر. قولىنداعى دەرەكتەرىنە سۇيەنگەن ول اۋرۋحاناداعى ءبىر پاتسيەنتتىڭ  رەنتگەن تۇسىرىلىمىندە وكپەنىڭ 20 پايىزى ايازدى كۇنگى كۇڭگىرت اينەك ءتارىزدى بولعانىن، ال   2 كۇننەن سوڭ ونىڭ وكپەسىنىڭ  جارتىسىنا  سۋ جينالعانىن، ەرتەسىنە تولىق ىسىنگەنىن ايتادى. «بۇل-وكپەنىڭ ءىسىنۋى. بىراق بۇل كوۆيدتى قابىنۋ ەمەس!» دەگەن اينا المۇراتقىزى وعان سەبەپ، فيزيكالىق ەرتىندىگە قوسىلىپ تامىردان تامشىلاتۋ ارقىلى  ءدارى جىبەرۋ دەيدى. وكپە پنەۆمونياسىندا فيزيكالىق ەرتىندى تۇگىل كوللويدتى ەرتىندىمەن تامىردان ءدارى جىبەرۋ زياندى. تەك تۇزدى ەرتىندىلەردى ازداپ ىشكىزۋ قاجەت. ەلىمىزدەگى ەمدەۋ حاتتاماسىن  بۇگىن وزگەرتپەسە، ەرتەڭ ۇلتقا قاتەر، باۋداي ورىلىپ تۇسەمىز.. ادامداردىڭ كوۆيدتەن ەمەس، وكپەنىڭ ىسىگىنەن ءولىپ جاتقانىن ۇلكەن جاۋاپكەرشىلىكپەن ايتامىن!» دەيدى.

جەلىدە جانايقايىن جىلاپ تۇرىپ جەتكىزگەن اينا المۇراتقىزى ءبىزدىڭ ينفەكتسيونيست دارىگەرلەر باسقا ەلدەردىڭ، سونىڭ ىشىندە يتاليانىڭ تاجىربيەسىن نەگە زەرتتەمەيدى؟ ادامدار ترومبوزدان ءولىپ جاتىر، يتالياندىقتار مۇنى ءتۇسىندى، دەي كەلە، وتە ۇلكەن كولەمدەگى انتيبيوتيك پرەپاراتتاردىڭ نەگىزسىز تاعايىندالۋىنا توقتالعان. مەن مۇنى– فارمكومپانيالاردىڭ مۇددەسىن تىقپالاۋ ما دەپ كۇدىكتەنەمىن. ول دارىلەر ادامداردىڭ باۋىرىن وتىرعىزىپ، بۇيرەك جەتىسپەۋشىلىگى اۋرۋىن تۋىنداتۋدا دەگەن ول ءدارىحانالار جەلىسىنىڭ ءدال قازىرگى تىرلىگىنە اشۋلى ەكەنىن ايتقان. ء«دارىحانا قوجايىندارى – سىزدەر ەلدى توناۋشىسىزدار! جەكەمەنشىك كلينيكا دارىگەرلەرى باعاسى قىمبات دارىلەردى تاعايىنداۋدا. ارىپتەستەر، بۇلاي ىستەۋگە بولمايدى، دوعارىڭىزدار! سىزدەر مۇنىڭ ءبارىنىڭ باۋىرعا قالاي اسەر ەتەتىنىن بىلەسىزدەر عوي. بۇل – ۇلتتىڭ دەنساۋلىعى. سىزدەر مەنى ەستيدى دەپ ويلايمىن»، دەپ ءوزىنىڭ ينستاگرام پاراقشاسىندا بەينەجازبا جاريالادى.

رەانيماتولوگ دارىگەر عابيت نۇرحان ۇلى «ادامدارعا ايتىپ-ايتىپ شارشادىم، سۋ ىشپەڭدەر، بۇل سۋ ىشەتىن، تامىرعا ءدارى سالاتىن اۋرۋ ەمەس، ءولىپ جاتقاندار دۇرىس ەم الماعاننان ءولىپ جاتىر، دەسەم وزگە تۇگىل جەڭگەم دە سەنبەيدى. ءبارى اقىلدى دانىشپان، ەمشى. كارديورەانيماتسيادا جۇمىس ىستەگەندە ءار ميلليگرامم سۋدى ەسەپتەپ قۇيامىز. ءولىپ جاتقاندار تەككە ءولىپ جاتىر، دۇرىس ەمدەلمەي»، دەدى اينا المۇراتقىزىنىڭ ۇندەۋىنە قاتىستى پىكىرىن سۇراعانىمىزدا.

قالاي بولعاندا دا كۆي-مەن، پنەۆمونيامەن كۇرەستە ءبىر كىلتيپاننىڭ بارلىعى انىق. جەدەل تۇردە حاتتامانى قايتا قاراۋ قاجەت ءتارىزدى.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار