اتالعان ءىس-شارا اياسىندا ءوڭىر تۇرعىندارى Birgemiz قورىنان اقشالاي كومەك الدى. ءبىرىنشى كەزەكتە كومەككە اسا مۇقتاج جاندار – از قامتىلعان كوپ بالالى وتباسىلار, مۇمكىندىگى شەكتەۋلى ادامدار يە بولدى. اكتسيا بويىنشا ءموبيلدى توپتار حالىقتىڭ الەۋمەتتىك وسال بولىگىنە ءبىرىنشى قاجەتتىلىك ونىمدەرى مەن گيگيەنالىق قۇرالدارىن جەتكىزدى. 19 ناۋرىز مەن 3 شىلدە ارالىعىندا قاراعاندى وبلىسىندا 13 مىڭ ادامعا 207,5 ملن تەڭگەدەن استام سومانىڭ كومەگى كورسەتىلدى.
ءساۋىردىڭ 9-ى مەن 6 مامىر ارالىعىندا Birgemiz-Qaragandy قايىرىمدىلىق قورىنان 1-ءشى جانە 2-ءشى ترانش اياسىندا قاراعاندى, تەمىرتاۋ, جەزقازعان قالالارىنىڭ 32 057 تۇرعىنىنا 50 مىڭ تەڭگەدەن تولەندى.
ماۋسىم ايىنىڭ باسىندا بالقاش, ساتباەۆ, ساران, قاراجال, پريوزەرسك, شاحتينسك قالالارىنىڭ, سونداي-اق اباي جانە بۇقار جىراۋ اۋداندارىنىڭ 9 621 تۇرعىنىنا 3-ءشى ترانش بويىنشا تولەمدەر بەرىلدى.
ءتورتىنشى ترانش ارقىلى كەلگەن كومەكپەن 30 ماۋسىمنان باستاپ اقتوعاي, جاڭاارقا, قارقارالى, نۇرا, وساكاروۆ, ۇلىتاۋ جانە شەت اۋداندارىندا 5 309 ادام قامتىلدى.
قورىتا ايتقاندا, قاراعاندى وبلىسىنىڭ 47 مىڭ تۇرعىنى Birgemiz قورىنان 50 مىڭ تەڭگەدەن اقشالاي كومەك الدى. تولەمدەردىڭ جالپى سوماسى شامامەن 2,4 ملرد تەڭگەنى قۇرادى.
قاراعاندى وبلىسى
