ايماقتار • 03 شىلدە، 2020

الماتىدا العاشقى مەديتسينالىق-سانيتارلىق كومەك كورسەتۋ كىزمەتىنىڭ جۇمىسى كۇشەيەدى

24 رەت كورسەتىلدى

الماتى اكىمى باقىتجان ساعىنتاەۆ قالانىڭ دەنساۋلىق ساقتاۋ جۇيەسى جۇكتەمەسىنىڭ وسۋىنە وراي العاشقى مەديتسينالىق-سانيتارلىق كومەك كورسەتۋ قىزمەتىنىڭ كۇشەيتىلەتىنى تۋرالى ايتتى، دەپ حابارلايدى Egemen.kz.

قالا باسشىسى Instagram-داعى ءوزىنىڭ پاراقشاسىندا سانيتارلىق-ەپيدەميولوگيالىق جاعدايدى تۇراقتاندىرۋ شارالارى جانە پاندەميا جاعدايىندا قالالىقتارعا مەديتسينالىق كومەك كورسەتۋ تۋرالى جازدى.

"بۇگىندە كوروناۆيرۋستىڭ تارالۋىنا بايلانىستى قالالىق دەنساۋلىق ساقتاۋ جۇيەسىنىڭ بارلىق مۇمكىن رەسۋرستارى جۇمىلدىرىلدى. جۇقپالى جانە پروۆيزورلىق ستاتسيونارلاردان بولەك نەگىزگى سالماق العاشقى مەديتسينالىق-سانيتارلىق كومەك قىزمەتىنە جۇكتەلدى. ەڭ اۋەلى وسى قىزمەتكە جۇگىنگەندىكتەن، بۇل – مەديتسينالىق كومەك كورسەتۋدىڭ نەگىزى بولىپ تابىلادى"، - دەدى ب. ساعىنتاەۆ.

قالا اكىمىنىڭ مالىمەتى بويىنشا، بۇگىنگى قالىپتاسقان جاعدايدا "ۆيرتۋالدى جۇقپالى اۋرۋلار اۋرۋحاناسى" اشىلدى. ەمحانالاردا COVID-19 دياگنوزى راستالعان جانە سيمپتومدارى بار پاتسيەنتتەردى مونيتورينگىلەۋ بويىنشا ءموبيلدى بريگادالار قۇرىلدى.

بۇلاردان وزگە، اسفەندياروۆ مەدۋنيۆەرسيتەتىمەن بىرلەسىپ، كارديولوگيا جانە ىشكى اۋرۋلار عزي-نىڭ بازاسىندا پاتسيەنتتەرگە مونيتورينگ جۇرگىزەتىن ورتالىق اشىلدى.

"ونىڭ مىندەتى – قاۋىپ توبىنداعى پاتسيەنتتەردى تاۋلىك بويى باقىلاۋ جانە ەمدەۋ. بۇل بىزگە امبۋلاتورلىق دەڭگەيدە، اسىرەسە قارتتار اراسىنداعى اسقىنۋلاردى ازايتۋعا مۇمكىندىك بەرەدى"، - دەپ جازدى ب. ساعىنتاەۆ.

الماتى اكىمى قالانىڭ دەنساۋلىق ساقتاۋ جۇيەسىنە ءتۇسىپ وتىرعان جۇكتەمەنىڭ ارتقانى تۋرالى دا حابارلادى. تەك سوڭعى ايدا قالادا جرۆي مەن پنەۆمونيا اۋرۋلارىنىڭ سانى 5 ەسە ءوستى، ال بۇل ىندەتتىڭ كورىنىسى رەتىندە قاراستىرىلۋدا.

دەمەك، جەدەل جاردەم قىزمەتىنە جۇگىنۋشىلەردىڭ سانى دا كۇرت ۇلعايعان. ەگەر مامىر ايىندا 2،5 مىڭ قوڭىراۋ شالىنسا، ماۋسىم ايىندا تاۋلىگىنە 4 مىڭعا دەيىن قوڭىراۋ تۇسكەن. ءبىر بريگادانىڭ ورتاشا تاۋلىكتىك جۇكتەمەسى ەكى ەسەگە ءوسىپ، 19 شاقىرىمدى قۇراپ وتىر.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار