بۇگىندە قولعا الىنىپ جاتقان ساقتىق شارالارى وسى كەزگە دەيىن ەسكەرىلمەي كەلگەن كوپتەگەن كەمشىلىكتىڭ بەتىن اشىپ, ولاردى جويۋدىڭ جولدارىن كورسەتىپ بەردى. قالاي دەگەندە دە, بۇل قاتەرلى ىندەتتىڭ الدىن الۋعا سەپتىگىن تيگىزەتىنى ءسوزسىز.
«ۆەدومستۆوارالىق كوميسسيا وزىنە جۇكتەلگەن مىندەتتى اتقارۋعا شاماسى جەتپەدى. مۇنى اشىق مويىنداۋ كەرەك. دەنساۋلىق ساقتاۋ مينيسترلىگى ورتالىق جانە جەرگىلىكتى بيلىك ورگاندارىنىڭ جۇمىسىن ۇيلەستىرە المادى», دەدى مەملەكەت باسشىسى.
پرەزيدەنت تاراپىنان قابىلدانعان كوروناۆيرۋس ىندەتىنىڭ تارالۋىنا قارسى كۇرەس شارالارى ازاماتتاردىڭ ءومىرى مەن دەنساۋلىعىن قورعاۋ ماقساتىندا جۇزەگە اسىرىلۋدا. الەمدە قالىپتاسقان كۇردەلى احۋالعا, ياعني كوروناۆيرۋستىڭ تارالۋىنا قاتىستى ەلىمىزدە قاتاڭ كارانتين ەنگىزىلگەنى بۇكىل حالىقتىڭ دەنساۋلىعىن ساقتاۋ ءۇشىن قابىلدانىپ وتىر.
سونداي-اق پرەزيدەنت بۇل قيىندىقتان دا شىعۋعا بولاتىنىن جەتكىزدى. حالقىمىزدا «اۋىرىپ ەم ىزدەگەنشە, اۋىرمايتىن جول ىزدە» دەگەن ناقىل ءسوز بار. سوندىقتان قاتەرلى اۋرۋدىڭ الدىن الىپ, ونىڭ كەڭ ەتەك الىپ كەتۋىنە جول بەرمەۋ ءۇشىن ءبəرىمىز جۇمىلا كۇرەسكەنىمىز ءجون. پرەزيدەنتتىڭ كوروناۆيرۋس ىندەتىنىڭ تارالۋىنا قارسى كۇرەس شارالارىن ەنگىزۋ تۋرالى وسى شۇعىل شەشىمىن مەملەكەتىمىز بەن حالقىمىزدىڭ تاعدىرىن ويلايتىن ءəربىر ازامات قولدايدى دەپ ويلايمىن. ويتكەنى قاۋىپتى ۆيرۋس قاۋىپسىزدىكتى كۇشەيتۋدى تالاپ ەتەدى.
سونىمەن قاتار قاسىم-جومارت توقاەۆ لابوراتوريالىق زەرتتەۋلەردىڭ تيىمدىلىگىن ارتتىرۋدى, رەاگەنتتەر مەن جۇمسالاتىن ماتەريالداردىڭ ۇزدىكسىز جەتكىزىلۋىن شەشۋدى, پتر-زەرتحانالاردىڭ سانى مەن قۋاتىن ارتتىرۋدى تاپسىردى. ازاماتتاردى قاجەتتى ءدارى-دارمەكتەرمەن قامتاماسىز ەتىپ, ەمدەۋدىڭ ماڭىزدىلىعىنا دا توقتالدى. وسى رەتتە پروبلەمالاردى شەشۋ ءۇشىن ۇكىمەت پەن وڭىرلەردىڭ اكىمدەرىنە بارلىق قارجىلىق جانە ينفراقۇرىلىمدىق رەسۋرستاردى جۇمىلدىرۋ تاپسىرىلدى.
حالقىمىز «بىرلىك بار جەردە تىرلىك بار» دەيدى. پرەزيدەنت ايتقان بارلىق ءىس-شارالاردى ورنىمەن جۇزەگە اسىرا بىلسەك, بارلىعىمىز تəرتىپكە باعىنىپ, وسى ىسكە اتسالىسساق, قاۋىپتى ىندەتتىڭ تارالۋىنا جول بەرمەيمىز. ال ەلىمىزدە جاسالىپ جاتقان جۇمىستار, قاۋىپسىزدىك شارالارى ءوز نəتيجەسىن بەرەدى دەگەن ويدامىن.
ەرلان سىدىقوۆ,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى, اكادەميك
