سونداي-اق ەلدىڭ جازۋىن لاتىن الىپبيىنە كوشىرۋگە جول اشتى, وسى باعىتتا ارنايى شەشىم قابىلدادى. بۇل ورايداعى جۇمىستار قازىر جۇزەگە اسىپ جاتىر. ەلباسىنىڭ وسى جونىندەگى شەشىمدەرىنەن ەلىنىڭ بولاشاعىنا, ونىڭ ءبىلىمى مەن عىلىمىنا, مادەنيەتىنە قاتتى الاڭدايتىنى انىق اڭعارىلادى.
تاعى ءبىر ستراتەگيالىق قادامى – جاڭا استانا سالۋى. بۇل بىزگە مىنانى كورسەتەدى: ماقسات – كەڭ-بايتاق قازاق جەرىن قازاق حالقىنا تولىق يگەرتە وتىرىپ, ونىڭ ماڭگىلىك يەسى بولىپ قالۋىن قامتاماسىز ەتۋ.
بۇگىندە قازاقستان ەكونوميكاسى قۇندى رەسۋرستارىمەن دامىپ, وركەندەپ كەلەدى. بۇل ەل الەمنىڭ بارلىق مەملەكەتتەرىمەن دوس, سەنىمدى سەرىكتەس. قازاقستاننىڭ سەنىمدى ارىپتەستەرىنىڭ الدىڭعى قاتارىندا تۇركيا دا بار.
نۇرسۇلتان نازارباەۆتىڭ ەلىن ەكونوميكالىق تۇرعىدا دامىتۋدا دۇرىس جول تاڭداي ءبىلۋىنىڭ ارقاسىندا قازاقستان كوزدەلگەن ماقساتتارعا ەرتەرەك قول جەتكىزدى. قازىر ۋاقىت تالابىنا سايكەس, ەل الدىنا جاڭا مىندەتتەر قويىلىپ وتىر.
ەلدىڭ سىرتقى ساياساتتاعى تابىستارى تۋرالى دا كوپ ايتۋعا بولادى. ەلباسى ن.نازارباەۆتىڭ كومانداسى قالىپتاستىرعان قازاقستاننىڭ سىرتقى ساياساتى بەرىك نەگىزگە قۇرالعان. ەلدىڭ نازارباەۆ ۇسىنعان كوپۆەكتورلى ساياساتى ءوزىن تولىق اقتاپ قانا قويماي, كەلەشەك ءۇشىن دە داڭعىل جول اشىپ وتىر. قازاقستاننىڭ وزگە مەملەكەتتەرمەن ەكىجاقتى, كوپجاقتى ىنتىماقتاستىعىن, حالىقارالىق ۇيىمدار شەڭبەرىندەگى بايلانىستارىن دامىتۋ ىسىندە قول جەتكىزگەن تابىستارى وتە كوپ. بۇلاردىڭ بارلىعى ەلدىڭ الەمدىك ارەناداعى بەدەلىن بيىككە كوتەردى.
قازاقستاننىڭ بۇگىنگە دەيىنگى بارلىق جەتىستىكتەرى ەلباسىنىڭ دۇرىس جول تاڭداۋىمەن, ەلدىڭ ستراتەگيالىق جوسپارىن كورەگەندىكپەن ناقتىلاۋىمەن تىكەلەي بايلانىستى. ناقتىسىن ايتقاندا, ن.نازارباەۆ ءوز ەلىنىڭ جاعدايىن, مۇمكىندىگىن تالداي وتىرىپ, ەلدىڭ بولاشاققا ارنالعان جوسپارىن دۇرىس قۇرا ءبىلدى. ماقسات-مىندەتتەردى دۇرىس ايقىنداۋ, باعىت-باعداردى دۇرىس كورسەتۋ كورەگەن كوشباسشىلارعا ءتان قاسيەت.
تاعى ءبىر ايتا كەتەر جايت, ن.نازارباەۆتىڭ سارابدال ساياساتىن ساباقتاستىرا جالعاستىرىپ كەلە جاتقان قازاقستان پرەزيدەنتى قاسىم-جومارت توقاەۆتىڭ مەملەكەت باسشىسى رەتىندە قابىلداعان بارلىق شەشىمدەرى ۇلكەن قوشەمەتكە لايىق. باسقاسىن ايتپاعاندا, ەلدىڭ ءبىلىم سالاسىنا بولىنەتىن بيۋدجەت قارجىسىن 6 ەسەگە, عىلىمعا بولىنەتىن قارجىنى 7 ەسەگە ارتتىرۋ جونىندەگى شەشىمىن بارشا قازاقستاندىقتار جىلى قابىلدادى. ءبىز, انادولى تۇرىكتەرى ق.توقاەۆتىڭ بۇل شەشىمىنىڭ قانشالىقتى ماڭىزدى ەكەنىن بىلەمىز. تىرشىلىكتىڭ نەگىزى ءبىلىم مەن عىلىم ەكەنى بارشاعا تۇسىنىكتى.
قورىتا ايتقاندا, قازاقستاننىڭ قالىپتاسۋ ۇدەرىسىندەگى نۇرسۇلتان نازارباەۆتىڭ ولشەۋسىز ەڭبەگىن كەيىنگى ۇرپاققا ءتۇسىندىرۋ قاجەت. جاڭا ەلدى قالىپتاستىرۋ, ونىڭ الەمدىك ارەناداعى ورنىن ناقتىلاۋ باقىتى كەز كەلگەن ادامعا بۇيىرا بەرمەيدى. سوندىقتان بارشا قازاقستاندىقتار ەلباسى نۇرسۇلتان نازارباەۆتىڭ ەل الدىنداعى ەڭبەگىن, تۇلعالىق قاسيەتىن بۇگىنگىگە, كەلەشەك ۇرپاققا ۇلگى ەتىپ كورسەتۋ باعىتىنداعى جۇمىستارىن جانداندىرا تۇسپەك نيەتىن ابدەن قولداۋعا بولادى. بۇل تۇپتەپ كەلگەندە قازاقستان ءۇشىن, ونىڭ بولاشاعى ءۇشىن ماڭىزدى.
سەرتاچ ەش,
«جۇمحۇريەت» گازەتىنىڭ انكارا بيۋروسىنىڭ باسشىسى – باس رەداكتور
