ساياسات • 02 شىلدە، 2020

قازاقستان-قىتاي ىنتىماقتاستىعىنىڭ ماسەلەلەرى تالقىلاندى

38 رەت كورسەتىلدى

قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ پەن قىتاي حالىق رەسپۋبليكاسى سىرتقى ىستەر ءمينيسترىنىڭ ورىنباسارى لە يۋيچەننىڭ بەينەكونفەرەنتسيا فورماتىندا كەلىسسوزدەرى ءوتتى. بۇل تۋرالى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ حابارلايدى.

كەلىسسوزدەر بارىسىندا قاتىسۋشىلار COVID-19 ىندەتىنە قارسى كۇرەس جونىندەگى ءوزارا ءىس-قيمىلعا جوعارى باعا بەردى، سونداي-اق ەكىجاقتى ىنتىماقتاستىقتى، ونىڭ ىشىندە حالىقارالىق جانە وڭىرلىك قۇرىلىمدار (بۇۇ، شىۇ، اوسشك) اياسىنداعى ىقپالداستىقتى نىعايتۋعا كەلىستى.

"نۇرلى جول" جاڭا ەكونوميكالىق ساياساتىن ء"بىر بەلدەۋ، ءبىر جول" باعدارلاماسىمەن ودان ءارى بايلانىستىرۋ، ساياسي، ساۋدا-ەكونوميكالىق جانە ينۆەستيتسيالىق ىنتىماقتاستىقتى جانداندىرۋ، مەملەكەتتىك شەكاراداعى وتكىزۋ پۋنكتتەرىنىڭ وتكىزۋ قابىلەتىن ارتتىرۋ، ەكى ەل اراسىنداعى اۋە قاتىناسىن قالپىنا كەلتىرۋ مۇمكىندىگى ماسەلەلەرىنە ەرەكشە نازار اۋدارىلدى. تاراپتار اعىمداعى جىلى بىرلەسكەن كوميسسيالار مەن ىنتىماقتاستىق جونىندەگى قازاقستان-قىتاي كوميتەتىنىڭ كىشى كوميتەتتەرىنىڭ كەزەكتى وتىرىستارىن ونلاين رەجيمىندە وتكىزۋگە كەلىستى.

كەلىسسوزدەر ناتيجەسىندە ديپلوماتتار قر مەن قحر اراسىنداعى دوستىق پەن ءوزارا ءتيىمدى ىنتىماقتاستىققا نەگىزدەلگەن جان-جاقتى ماڭگىلىك ستراتەگيالىق سەرىكتەستىكتى ودان ءارى تەرەڭدەتۋگە دايىن ەكەندىكتەرىن تاعى دا راستادى.

سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار