مارقۇمداردىڭ باسىم بولىگى ەگدە جاستاعى ادامدار. ولاردىڭ ىشىندەگى ەڭ جاسى 54 جاستاعى مەديتسينا قىزمەتكەرى ەكەن.
جالپى, جەزقازعان قالاسى بويىنشا 613 ادامنىڭ COVID-19 ىندەتىن جۇقتىرعانى زەرتحانالىق تالداۋ نەگىزىندە راستالعان. بۇگىنگى كۇندە جەرگىلىكتى اۋرۋحانالاردا 341 پاتسيەنت ەم-دوم الىپ جاتىر. ولاردىڭ 69-ى ساتباەۆ قالاسىنداعى پروۆيزورلىق بولىمشەگە, 70-ءى ساتباەۆ قالاسىنداعى مەديتسينالىق-سانيتارلىق بولىمشەنىڭ ينفەكتسيالىق ستاتسيونارىنا, 32-ءى ينفەكتسيالىق بولىمشە بوكسىنا, 170-ءى جەزقازعان كوپبەيىندى اۋرۋحاناسىنىڭ پروۆيزورلىق بولىمشەسىنە ورنالاستىرىلدى. ال 545 ادام ءۇي كارانتينىنە وقشاۋلاندىرىلعان.
سونداي-اق, بۇرىن جۇقتىرعاندارمەن بايلانىستى بولعان 1112 ادام انىقتالدى. ونىڭ 268-ءى "جومارت" كەنىشىنىڭ جۇمىسشىلارى بولىپ شىقتى.
ارنايى قۇرىلعان موبيلدىك توپتار جەزقازعان قالاسى بويىنشا 721 نىسانعا تەكسەرىس جۇرگىزىپ, 25 وبەكتىدەن كارانتين كەزىندەگى قاۋلى تالاپتارىن بۇزۋشىلىق فاكتىلەرىن انىقتادى, دەپ حابارلادى قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسى.
قاراعاندى وبلىسى
