جالپى, بۇگىنگى تاڭدا اۋدان ورتالىعى جاڭاتاس قالاسىنداعى كوممۋنالدىق مەنشىكتەگى تۇرعىن ۇيلەردەن پاتەر الۋ كەزەگىندە 1807 ازامات تىزىمدە تۇر ەكەن.
ولاردىڭ ىشىندە 4 ازامات جەتىم نەمەسە اتا-اناسىنىڭ قامقورلىعىنسىز قالعان بالالار ساناتىندا بولسا, 164 ازامات كوپبالالى وتباسى ساناتىندا.
سونىمەن قاتار, 918 ازامات الەۋمەتتىك جاعىنان ءالسىز توپتاعىلار بولسا, 720 ازامات بيۋدجەتتىك مەكەمە قىزمەتكەرلەرى ساناتىندا بولىپ وتىر. سونداي-اق, 1 تۇرعىننىڭ ءۇيى اپاتتى جاعدايدا ەسەپتە تۇر ەكەن. جىل باسىنان بەرى 206 ازامات تۇرعىن ءۇي كەزەگىنە تىركەلسە, تۇگەندەۋ جۇمىستارى ناتيجەسىندە 523 ازامات كەزەكتەن شىعارىلعان.
بۇگىنگى تاڭدا اسارلاتىپ باسپانا سالۋ جوباسىمەن اۋىل تۇرعىندارىن قامتۋ كوزدەلۋدە. ماسەلەن, اۋداننىڭ تۇركىستان, جاڭاتالاپ, توعىزكەنت جانە جايىلما اۋىلدىق وكرۋگتەرىندە باسپاناسى جوق وتباسىلارعا وسى تاسىلمەن تۇرعىن ءۇي سالۋ جوسپارلانۋدا. سونىمەن قاتار, جاڭاتالاپ اۋىلدىق وكرۋگى تۇرعىندارى تاراپىنان قارجى جينالىپ, ءبىر جالعىزباستى اناعا تۇرعىن ءۇي سالىنۋدا. ال, توعىزكەنت اۋىلدىق وكرۋگى بويىنشا اۋىل تۇرعىندارى كوپبالالى اناعا وزدەرىنىڭ كومەك قولدارىن سوزىپ وتىر. قازىرگى كەزدە اتالعان اۋىلدىڭ جاستارى ۇيىمداسىپ, ءۇيدىڭ ىشكى قابىرعالارىن سىلاۋ, ەدەنىنە بەتون قۇيۋ جانە جىلىتۋ جۇيەسىن جاساۋ جۇمىستارىن اتقارۋدا. سول سياقتى تۇركىستان اۋىلدىق وكرۋگى بويىنشا از قامتىلعان, كوپ بالالى وتباسىنا سىي رەتىندە ءۇي ىرگەتاسىن قالاۋ جۇمىستارى باستالىپ كەتتى. ال, جايىلما اۋىلدىق وكرۋگى بويىنشا جالعىزباستى اناعا دا وسىنداي كومەكتەر كورسەتىلەدى.
جامبىل وبلىسى
