قالالىق ءبىلىم بەرۋ ءبولىمىنىڭ مالىمدەۋىنشە, 2020 جىلعى 23-30 ماۋسىم ارالىعىندا پاۆلودار قالاسىنىڭ 37 جالپى ءبىلىم بەرۋ مەكتەپتەرىنىڭ 1150 تۇلەكتەرىنەن ۇبت-عا 933 (81%), 2019 جىلى – 750 (74%) قاتىسقان. ونىڭ ىشىندە قازاق تىلىندە – 378, 2019 جىلى – 350.
"قاتىسۋدىڭ ەڭ كوپ پايىزىن №7, 37, كەنجەكول جوم – 100%, №35 – 98%, №14 – 96,2%, №20 – 95,7%, بەكحوجين اتىنداعى – 95%, №13 – 92,3%, №25 – 90,7% مەكتەپتەر قۇردى", - دەيدى ءبىلىم بەرۋ ءبولىمىنىڭ مامانى بالجان ءادىلحانوۆا.
- ۇبت-عا قاتىسۋدى قامتاماسىز ەتۋ ماقساتىندا دەنساۋلىق جاعدايى مەن وتباسى جاعدايىنا بايلانىستى ۇبت-عا كەلمەگەن 4 تۇلەك ءۇشىن تەست تاپسىرۋ ءۇشىن قوسىمشا ورىن ۇسىنىلدى. تەستىلەۋدى وتكىزۋ كەزىندە ەرەجەنى بۇزعانى جانە تىيىم سالىنعان زاتتاردى الىپ وتۋگە ارەكەت جاساعانى ءۇشىن قالا مەكتەپتەرىنىڭ 22 تۇلەگى شىعارىلدى.
قالا مەكتەپتەرىنىڭ 60 تۇلەگى 100 جانە ودان دا كوپ بالل الدى. ونىڭ ىشىندە 6 تۇلەك 125 جانە ودان جوعارى بالل جينادى. ەڭ جوعارى باللعا № 35 جوم تۇلەگى ايدوس قوبىلاندى يە بولدى (140 باللدان 136 بالل).
ۇبت-نى وتكىزۋ كەزىندە تاپسىرۋ ورنىندا كالكۋلياتورلار بەرۋ, تەستىلەۋ ۋاقىتىن 4 ساعاتقا دەيىن ۇلعايتۋ (بۇرىن 3 ساعات 50 مينۋت بولدى), تۇلعانى سايكەستەندىرۋ بەت تانۋ ارقىلى انىقتادى (Face ID), ۇبت ەلەكتروندىق سەرتيفيكاتىن جانە گرانت بەرۋ تۋرالى ەلەكتروندىق كۋالىك بەرۋ, حالىقارالىق ستاندارتتالعان SAT, است جانە شي تەستتەرىنىڭ بالدارىن ۇبت بالىنا اۋىستىرۋ سياقتى جاڭالىقتار ەنگىزىلدى.
"شەكتى بالل جيناماعان تۇلەكتەر جىل بويى ۇبت تاپسىرۋعا مۇمكىندىگى بار. سونىمەن قاتار, ۇبت-نى وتكىزۋدىڭ بەينەجازباسىنا ساراپتاما جۇرگىزىلەدى, تىيىم سالىنعان زاتتار تابىلعان جاعدايدا ۇبت ناتيجەلەرى, سونداي-اق ءبىلىم بەرۋ گرانتى جويىلادى. ۇبت وتكىزۋ پۋنكتتەرىنىڭ الدىندا ادامداردىڭ جاپپاي جينالۋىن بولدىرماۋ ءۇشىن تەستىلەۋ وتكىزۋدىڭ ونلاين كورسەتىلىمى ۇيىمداستىرىلدى. الەۋمەتتىك جەلىلەر ارقىلى جاڭا جاعدايدا ۇبت وتكىزۋ بويىنشا اقپاراتتىق-ءتۇسىندىرۋ جۇمىستارى جۇرگىزىلدى, سانيتارلىق-ەپيدەميولوگيالىق تالاپتاردى ساقتاۋ مىسالدارى بار بەينەروليكتەر تاراتىلدى", - دەيدى بالجان ءادىلحانوۆا.
