ۇيىمداستىرىلعان ءىس-شاراعا مۋزەي قىزمەتكەرلەرى بەلسەنە اتسالىسىپ, حالىق اسپابىنىڭ ەسكيزىن قابىرعاعا ورناتىپ, قازاق كومپوزيتورلارىنىڭ كۇيلەرىن اۋەنگە قوستى. مايرا شامسۋتدينوۆانىڭ بىرەگەي تۋىندىسىنان تىڭدارمان قاۋىم قۇلاق قۇرىشىن قاندىردى.
مۋزەي قورىندا تەك 20 ءتۇرلى دومبىرا ساقتالعان. بارلىق بىرەگەي ەكسپوناتتاردى ەرتىستىڭ بەلگىلى اقىندارى مەن كومپوزيتورلارىنىڭ تۋىستارى مۋزەي قورىنا تاپسىردى. ولاردىڭ اراسىندا اتاقتى ءانشى بايعابىل جىلقىباەۆ پەن دارىندى قازاق اكتەرى ءارى رەجيسسەر قاۋكەن كەنجەتاەۆتىڭ دومبىراسى دا بار.
پاندەميا جاعدايىنا بايلانىستى مۇراجاي بىرنەشە اي بويى ونلاين رەجىمدە جۇمىس ىستەيدى. وتكىزىلگەن ءىس-شارالاردى الەۋمەتتىك جەلىلەردە كورە الادى.
بۇقار جىراۋ اتىنداعى ادەبيەت جانە ونەر مۋزەيىنىڭ قىزمەتكەرى امانگەلدى ەگىنباي: "بىزدە ونلاين ءىس-شارالار جوسپارى ازىرلەندى. وعان ەرتىس ءوڭىرى كومپوزيتورلارىنىڭ ۇزدىك شىعارمالارىنىڭ توپتاماسى ەنگىزىلگەن. بۇل − تالانتتى جەرلەستەرىمىزدىڭ اندەرى مەن كۇيلەرىن تىڭدايتىن ونلاين-كورمە. ءبىز ىندەت كەزىندە تۇرعىنداردى مادەني قۇندىلىقتاردان ادا تۇتپاي, كەرىسىنشە ادام مەن كۇي جانىن جاقىنداستىرا ءتۇسۋ. سوندىقتان ءبىز ءۇشىن بۇل ماڭىزدى جۇمىس", دەيدى ول.
