ۇكىمەت • 30 ماۋسىم، 2020

اسقار مامين “تسيفرلىق ءبىلىم” اۋقىمدى جوباسىن جۇزەگە اسىرۋدى تاپسىردى

33 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا تسيفرلىق ەكونوميكا ءۇشىن ادامي كاپيتالدى دامىتۋ ماسەلەسى قارالدى،- دەپ حابارلايدى Egemen.kz.

اتقارىلىپ جاتقان جۇمىستار تۋرالى قر ءبىلىم جانە عىلىم ءمينيسترى اسحات ايماعامبەتوۆ، تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ، "استانا" حالىقارالىق قارجى ورتالىعىنىڭ (احقو) باسقارۋشىسى قايرات كەلىمبەتوۆ باياندادى.

2019 جىلى ادامي دامۋ يندەكسى بويىنشا قازاقستان 189 ەلدىڭ ىشىندە 50-ورىندى يەلەندى. قر-دا 1826 روبوتتى تەحنيكا كابينەتى، 447 STEAM زەرتحانا، 1746 اT-سىنىبى، 21 اT-ورتالىق جۇمىس ىستەيدى.

قازاقستان حالقىنىڭ تسيفرلىق ساۋاتتىلىق دەڭگەيى 82،1%-عا جەتتى. وقۋ ورىندارىندا جىل سايىن 50 مىڭنان استام اT مامانى شىعارىلادى جانە ات ماماندىقتارى بويىنشا مەملەكەتتىك تاپسىرىس كولەمى جىل سايىن ارتۋدا. وڭىرلەردە ات بويىنشا 16 قۇزىرەتتىلىك ورتالىعى قۇرىلدى. 

قازاقستاندا ازاماتتاردىڭ بازالىق ات-قۇزىرەتتىلىگىن دامىتۋدى، ات-كادرلاردى ماقساتتى دايارلاۋدى جانە باسقا سالالاردىڭ قىزمەتكەرلەرىن پانارالىق ات-دايارلاۋدى كوزدەيتىن حالىقتىڭ تسيفرلىق ساۋاتتىلىعىن ارتتىرۋ بويىنشا "تسيفرلىق ءبىلىم" اۋقىمدى جوباسى ىسكە اسىرىلادى. اتالعان جوبا اياسىندا جىل سايىن 400 مىڭنان استام ادامدى وقىتۋ جوسپارلانىپ وتىر.

ۇكىمەت باسشىسى تەحنولوگيالىق جاڭعىرتۋ، تسيفرلىق پلاتفورمالاردىڭ مۇمكىندىكتەرى، جاساندى زەردە، ءوندىرىستى اۆتوماتتاندىرۋ كادرلار دايارلاۋدى وزگەرتۋدى جانە ادامي كاپيتالدى دامىتۋدى تالاپ ەتەتىنىن اتاپ ءوتتى. اT بىلىكتىلىگى بار مامانداردى دايارلاپ قانا قويماي، جۇمىس ىستەپ جۇرگەن ازاماتتاردىڭ داعدىلارىن تسيفرلاندىرۋعا بەيىمدەۋ جانە ولاردىڭ تسيفرلىق ساۋاتتىلىعىن ارتتىرۋ دا ماڭىزدى.

"قازاقستاندىقتاردىڭ بارلىعى تسيفرلىق الاڭداردا جۇمىس جاساپ، ەلەكتروندىق قىزمەتتەردى الا ءبىلۋى قاجەت"، — دەدى ا. مامين. 

پرەمەر-مينيستر ءبىلىم جانە عىلىم مينيسترلىگىنە تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن جانە اكىمدىكتەرمەن بىرلەسىپ، "تسيفرلىق ءبىلىم" اۋقىمدى جوباسىنىڭ ىسكە قوسىلۋىن قامتاماسىز ەتۋدى تاپسىردى. سونىمەن قاتار تسيفرلىق داعدىلارعا وقىتۋ، اT ماماندارىن دايارلاۋ جانە قايتا دايارلاۋ بويىنشا باعدارلامالاردى ازىرلەۋ، الدىڭعى قاتارلى وقۋ ورىندارىنىڭ تاجىريبەسىن وڭىرلىك ۋنيۆەرسيتەتتەر مەن كوللەدجەردە تاراتۋ، "استانا" حالىقارالىق قارجى ورتالىعىنىڭ تاجىريبەسى مەن ۇسىنىستارىن ەسكەرىپ، جاڭا كاسىپتىك ستاندارتتارعا سايكەس ءبىلىم بەرۋ باعدارلامالارىن جاڭارتۋ جۇمىسىن جانداندىرۋ قاجەت ەكەنى اتالىپ ءوتتى. 

تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنە "تسيفرلىق قازاقستان" مەملەكەتتىك باعدارلاماسىنىڭ ءىس-شارالار كەشەنىن جاڭارتۋ، بايلانىس وپەراتورلارىمەن بىرلەسىپ، وتاندىق ءبىلىم بەرۋ رەسۋرستارىنا شەكتەۋسىز قول جەتكىزۋ ماسەلەسىن پىسىقتاۋ تاپسىرىلدى.

"2025 جىلعا قاراي حالىقتىڭ تسيفرلىق ساۋاتتىلىعى دەڭگەيىن 87%-عا دەيىن جەتكىزۋ كەرەك جانە وڭىرلەر ءۇشىن بىرىڭعاي جۇمىس الگوريتمىن ازىرلەۋ قاجەت"، — دەدى ا. مامين. 

ۇكىمەت باسشىسى وڭىرلەردىڭ اكىمدىكتەرىنە "تسيفرلىق پورتفەلدىڭ" تالاپتارىنا سايكەس زاماناۋي كومپيۋتەرلىك جابدىقتار مەن روبوتتى تەحنيكا كابينەتتەرىن، مەكتەپتەرگە ارنالعان STEM قوسىمشا ساتىپ الۋدى قامتاماسىز ەتۋدى تاپسىردى.

سوڭعى جاڭالىقتار

ماڭگىلىك مۇرا تاعىلىمى

اباي • بۇگىن، 10:01

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار