"11 مامىردا شەكتەۋلەر الىنىپ تاستالعاننان بەرى كوروناۆيرۋستىق ينفەكتسيا جاعدايى 7 ەسەگە ارتتى. بۇل كوبىنەسە بىرقاتار مەملەكەتتىك ورگانداردىڭ جۇمىسىنداعى كەمشىلىكتەرگە بايلانىستى. ورتالىق جانە جەرگىلىكتى دەڭگەيدەگى مەملەكەتتىك باسقارۋ جۇيەسى توتەنشە جاعداي رەجيمىنەن تىس ءتيىمدى جۇمىس ىستەۋگە دايىن بولماعانىن اتاپ ءوتۋ كەرەك.
ۆەدومستۆوارالىق كوميسسيا الدىنا قويعان مىندەتتى ورىنداي المادى. مۇنى مويىنداۋ كەرەك. دەنساۋلىق ساقتاۋ مينيسترلىگى ورتالىق جانە جەرگىلىكتى بيلىك ورگاندارىنىڭ جۇمىسىن ۇيلەستىرۋدى قامتاماسىز ەتە المادى", - دەدى مەملەكەت باسشىسى.
ول جەرگىلىكتى جەرلەردە ۋاقتىلى جانە تيىمدىلىگى از شارالار ۆيرۋستىڭ ەڭبەك ۇجىمدارىندا, جۇيە قۇراۋشى وندىرىستەردە تارالۋىنا اكەلگەنىن اتاپ ءوتتى.
"ىندەتپەن كۇرەس, تەرىس الەۋمەتتىك جانە ەكونوميكالىق اسەرلەردى جويۋ بويىنشا بارلىق شەشىمدەردى پرەمەر-ءمينيستردىڭ جەتەكشىلىگىندەگى مەملەكەتتىك كوميسسيا اياسىندا ازىرلەۋدى تاپسىرامىن. مەملەكەتتىك كوميسسيا سىني رەسۋرستاردى بولۋگە ورتالىقتاندىرىلعان باقىلاۋدى قامتاماسىز ەتۋى ءتيىس", دەدى پرەزيدەنت.
