الەم • 28 ماۋسىم، 2020

"روسكوسموس" نەگە SpaceX كومپانياسىن سىنادى؟

413 رەت كورسەتىلدى

رەسەيدىڭ عارىش سالاسىمەن اينالىساتىن ۇلتتىق كومپانياسى جاقىندا امەريكاندىقتار ۇشىرعان Crew Dragon كورابلىن سىنعا الدى،  دەپ جازادى Egemen.kz

"روسكوسموستىڭ" باسىلىمى "رۋسسكي كوسموس" جۋرنالىنىڭ رەداكتورى يگور افاناسەۆتىڭ پىكىرىنشە، بۇل كورابل ۇشاتىن ەكيپاج ءۇشىن اسا ءبىر قاۋىپسىز بولىپ سانالمايدى ەكەن. وعان سەبەپ، سۇيىق جانار-جاعارمايمەن جۇمىس ىستەيتىن قۇرىلعىلار تىكەلەي ادام وتىراتىن كابينا جانىنا ورنالاستىرىلعانى بولىپ وتىر.

سونىمەن قاتار ەكيپاج ورنالاساتىن جەردىڭ قاسىندا ەكى تونناعا جۋىق قاۋىپتى جانار-جاعارماي قۇيىلعان ىدىستىڭ بولۋى دا ۇلكەن اڭگىمەگە وزەك بولۋدا. وندا ازوت پەن مونومەتيلگيدرازين اتتى ۋلى سۇيىق حيميالىق زات قۇيىلعان جانە ول كەز كەلگەن ۋاقىتتا اپاتتىق جاعداي تۋدىرۋى ىقتيمال ەكەندىگى رەسەيلىك ماماندار تاراپىنان ايتىلۋدا.

سىنالىپ وتىرعان كورابلدىڭ سانيتارلىق اۋماعى دا اسا ىڭعايلى بولماعاندىقتان ول دا استروناۆتتارعا قيىندىق تۋدىرادى دەلىنگەن.

جالپى، قاي جاعىنان بولسىن، قاۋىپسىزدىكتى ءبىرىنشى ورىنعا قوياتىن NASA-نىڭ بۇلايشا وسى ماسەلەلەرگە بەي-جاي قارايتىندىعى تاڭ قالدىرىپ وتىر. بىراق يلون ماسك باسقاراتىن SpaceX كومپانياسى عارىشقا ادام ۇشىراتىننان بۇرىن بىرنەشە رەت سىناق جاساپ بارىپ قانا وسى كورابلدى ۇشىرعانى بەلگىلى بولعاندىقتان ايتىلىپ وتىرعان سىن نەگىزسىز دەۋگە بولاتىن سياقتى.

بۇل جەردە ماسەلە الەمدىك ەكى عارىش دەرجاۆاسىنىڭ يدەولوگيالىق تارتىسىنان دا تۋىنداۋى ابدەن مۇمكىن ەكەندىگىن ەستەن شىعارماعان ءجون.

 

 

سوڭعى جاڭالىقتار

ۇقساس جاڭالىقتار