ايماقتار • 28 ماۋسىم، 2020

الماتىدا جىل باسىنان بەرى 167 ءباسپاسوز ءماسليحاتى ءوتتى

26 رەت كورسەتىلدى

باقىتجان ساعىنتاەۆ جۋرناليستەردى كاسىبي مەرەكەسىمەن قۇتتىقتاي وتىرىپ، قازىرگى كەزەڭدەگى جۋرناليستەر جۇمىسىنىڭ ماڭىزى مەن ءمانىن ەرەكشە اتاپ ءوتتى، دەپ جازادى Egemen.kz

قالا اكىمى قۇتتىقتاۋ سوزدەرىن Twitter-دەگى ءوزىنىڭ رەسمي پاراقشاسىندا جاريالادى.

"الماتىنىڭ جۋرناليستەر قاۋىمداستىعىن كاسىبي مەرەكەلەرىمەن قۇتتىقتايمىن! ۋاقىت تەزىنەن قالىسپاي، حالىققا ناقتى ءارى ساۋاتتى اقپارات تاراتىپ، كاسىبي مىندەتتى ادال اتقارىپ كەلەسىزدەر! ارمان-تىلەكتەرىڭىز ورىندالسىن، تابىس پەن ساتتىلىك تىلەيمىن!"، – دەپ جازدى ب.ساعىنتاەۆ.

ايتا كەتەرلىگى، قالا اكىمىنىڭ تاپسىرماسى بويىنشا قالانىڭ بارلىق قىزمەتتەرى جۇمىستارىندا اشىق ءارى جەدەل ءۇن قاتۋ قاعيداتىن باسشىلىققا الۋدا. سوندىقتان بارلىق اۋدانداردىڭ اكىمدەرى، باسقارما باسشىلارى الەۋمەتتىك جەلىلەرگە تىركەلگەن جانە تۇرعىنداردىڭ ءتۇرلى وتىنىمدەرىنە دەر كەزىندە جاۋاپ بەرۋدە.

الماتى اكىمدىگىندە العاش رەت ءباسپاسوز ورتالىعى قۇرىلدى. مۇندا اۋداندىق اكىمدىكتەر، باسقارمالار مەن قۇرىلىمدىق بولىمشە باسشىلارى ءتۇسىندىرۋ جۇمىستارىن جۇرگىزىپ، باق سۇراقتارىنا جاۋاپ بەرەدى.

جىل باسىنان بەرى 167 ءباسپاسوز ءماسليحاتى وتكىزىلىپ، 366 سپيكەر 1685 سۇراققا جاۋاپ بەردى. بۇل رەتتە 131 ءباسپاسوز ءماسليحاتى COVID-19-عا قارسى ءىس-قيمىل تاقىرىبىنا ارنالدى. 199 سپيكەر كۆي بويىنشا 1339 سۇراققا جاۋاپ بەردى.

توتەنشە جاعداي كەزىندە قالا اكىمدىگىنىڭ ءباسپاسوز قىزمەتى WhatsApp مەسسەندجەرىندە ارنايى چات اشىپ، كوروناۆيرۋس ينفەكتسياسىنا قارسى كۇرەستىڭ جاعدايى تۋرالى جۋرناليستەرگە جەدەل اقپارات بەرىپ وتىردى.

قازاقستاندا تىركەلگەن 3،5 مىڭعا جۋىق باق-تىڭ مىڭنان استامى الماتىدا جۇمىس ىستەيدى. سونىڭ ىشىندە 937 مەرزىمدى باسىلىم، 54 ەلەكتروندىق جانە 93 ينتەرنەت-باق بار.

سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار