رەسەيدىڭ بەلگىلى فۋتبولشىسى اندرەي ارشاۆين سانكت-پەتەربۋرگتەگى كەشتەرگە ءوزىنىڭ كەيىنگى كەزدەرى تاپقان قۇربىسى – ازەربايجان بويجەتكەنىن ەرتىپ اپارىپ, تانىستارىنا تانىستىرا باستادى. بۇل تۋرالى ازەربايجاننىڭ «Deyerler» اگەنتتىگى حابارلادى.
AZE.az سايتى ءمالىم ەتكەندەي, «سوۆەتسكي سپورت» گازەتى «زەنيت» كومانداسىنىڭ جارتىلاي قورعاۋشىسى ارشاۆين سانكت-پەتەربۋرگتە وتكەن فەدور بوندارچۋكتىڭ «ستالينگراد» ءفيلمىنىڭ پرەمەراسىنا جاڭا قۇربىسىن ەرتىپ كەلگەنىن اتاپ كورسەتكەن.
اتاپ وتەيىك, بۇل - اتالمىش جۇپتىڭ اندرەي رەسەيگە قايتىپ ورالعالى بەرى كوپشىلىك الدىنا ءبىرىنشى مارتە شىعۋى. ولاردى جۇرت العاش رەت لوندوندا بايقاپ قالعان بولسا, كەيىن ماياميدەگى جاعاجايدا جۇرگەندەرءىن كورگەن ەكەن. الايدا, بەلگىلى فۋتبولشى بۇرىن ءوزىنىڭ ءجۇرىس-تۇرىسى جايلى قاۋەسەتتەردىڭ ءبارىن جوققا شىعارىپ كەلىپتى.
مۇرات ايتقوجا.
