ەلىمىزدە وتكەلى وتىرعان ەكسپو-2017 حالىقارالىق كورمەسىنە دايىندىقتى ونەرتاپقىشتارىمىز باستاپ كەتكەلى قاشان. ولار رەسپۋبليكانىڭ بارلىق ايماقتارىندا دەرلىك كورمەگە قاتىستى جاسالعان يگى جوبالارىن الەم كورەرمەندەرى الدىندا كورسەتۋگە اسىعۋلى. بۇلاردىڭ قاتارىندا وزىندىك ەرەكشە جاڭالىقتارىمەن جۇرتشىلىقتى تامساندىرامىز دەپ وتىرعان جاس وسكىن وقۋشىلار دا بار. ەلوردادا وتكەن «ەكسپو-2017 بالالاردىڭ كوزىمەن» تاقىرىبى اياسىندا «مەكتەپ تابالدىرىعىنان – عىلىمعا» اتتى عىلىم مەن تەحنيكانىڭ حالىقارالىق عىلىمي-تاجىريبەلىك فورۋمى دا وسىنىڭ دالەلى.
ەلىمىزدە وتكەلى وتىرعان ەكسپو-2017 حالىقارالىق كورمەسىنە دايىندىقتى ونەرتاپقىشتارىمىز باستاپ كەتكەلى قاشان. ولار رەسپۋبليكانىڭ بارلىق ايماقتارىندا دەرلىك كورمەگە قاتىستى جاسالعان يگى جوبالارىن الەم كورەرمەندەرى الدىندا كورسەتۋگە اسىعۋلى. بۇلاردىڭ قاتارىندا وزىندىك ەرەكشە جاڭالىقتارىمەن جۇرتشىلىقتى تامساندىرامىز دەپ وتىرعان جاس وسكىن وقۋشىلار دا بار. ەلوردادا وتكەن «ەكسپو-2017 بالالاردىڭ كوزىمەن» تاقىرىبى اياسىندا «مەكتەپ تابالدىرىعىنان – عىلىمعا» اتتى عىلىم مەن تەحنيكانىڭ حالىقارالىق عىلىمي-تاجىريبەلىك فورۋمى دا وسىنىڭ دالەلى.
اتالعان باسقوسۋعا الىس-جاقىن شەتەلدەردەن وكىلدەر مەن ەلىمىز وبلىستارىنىڭ, استانا جانە الماتى قالالارىنىڭ 8-11-سىنىپ وقۋشىلارى كەلىپتى. سونىمەن بىرگە, بۇلاردىڭ اراسىندا عىلىمي قوعامدار مەن عىلىمي-تەحنيكالىق جاراتىلىستانۋ باعىتىنداعى وڭىرلىك بايقاۋلاردىڭ جەڭىمپازدارى دا بار.
فورۋم اياسىنداعى جۇرتشىلىقتى قىزىقتىرعان شارانىڭ ءبىرى – «يدەيالار. جوبالار. ونەرتابىس» عىلىمي-تەحنيكالىق شىعارماشىلىق روبوتتەحنيكاسى جانە يننوۆاتسيالىق جوبالار كورمەسى دەر ەدىك. مۇنداعى ەلىمىزدىڭ بارلىق ايماقتارىنان دەرلىك كەلگەن ىرگەلى جۇمىستار وقۋشىلاردىڭ ءوز جەتەكشىلەرىمەن بىرگە جۇرتشىلىققا تانىستىرىلدى. قاراعاندى وبلىسىنىڭ «مۇراگەر» مەكتەبىنەن كەلگەن وقۋشى شىڭعىس سماعۇلوۆتىڭ بيووتىنعا بايلانىستى جاڭالىعى دا كورەرمەننىڭ قىزىعۋشىلىقتارىن تۋعىزدى. ەكولوگيالىق تازا, شىعىندى مۇلدەم از تالاپ ەتەتىن بۇل جۇمىستىڭ ەرەكشەلىكتەرىن اۆتور ەگجەي-تەگجەيلى ايتا كەلە, الداعى تۇرعان ماسەلە وتىن الىناتىن قيدىڭ ءيىسىن تازالاۋ ەكەندىگىن ايتتى. ول ەندى وسى باعىتتا جۇمىستار جاسايتىندىعىن جەتكىزدى.
ال ەلورداداعى №50 قازعارىش مەكتەبىنىڭ 10-سىنىپ وقۋشىسى الماتين الماسبەكتىڭ (جەتەكشى ۇستازى شەرنياز ءىلياسوۆ) جاساعان تراكتور ماكەتى مەن ەكى قاباتتى اۆتوبۋس جوباسى دا ەرەكشە بولىپ وتىر. اۋەلى تراكتورعا كەلەر بولساق, ول ءشوپتى ورىپ, جيناپ, سونىمەن بىرگە, تايلاپ تا ۇلگەرەدى ەكەن. سونداي-اق, ونىڭ جانار-جاعارماي ۇنەمدىلىگى دە قىزىقتىرماي قويمايدى. اۋىلشارۋاشىلىق تەحنيكالارىنىڭ ىشىندە «بەلارۋستان» كەم تۇسپەيتىن بۇل تراكتوردىڭ قۇنى ودان ەداۋىر تومەن. ماسەلەن, «بەلارۋس» تراكتورى شامامەن 3 ميلليون تەڭگەدەن استام بولسا, مۇنىڭ باعاسى جوبامەن 2 ميلليون تەڭگەدەن اسپايتىنعا ۇقسايدى. ءبىر جاعىنان وتاندىق ءونىم, ەكىنشى جاعىنان باعاسى دا تومەن بۇل بولاشاق تراكتوردى جيىلعان جۇرت ءجيى توڭىرەكتەپ قىزىقتادى. ال ەكى قاباتتى اۆتوبۋس جوباسى قالاىشىلىك باعىتقا ارنالعان. جوبا جەتەكشىسىنىڭ ايتۋىنشا, ىشىنە ءجۇز قارالى جولاۋشى ەركىن سياتىن كولىكتە ەكسپو-عا كەلگەن قوناقتار مەن جالپى تۋريستەرگە ارنايى جاعداي جاساۋ قاراستىرىلعان. ۆاليۋتا ايىرباستاۋ, ءتۇرلى تولەمدەر قابىلداۋ ورىندارىن وسى اۆتوبۋس ىشىندە ورنالاستىرۋ جوسپارلانعان.
فورۋم شىعارماشىل الەۋەتى جوعارى دارىندى بالالاردى انىقتاۋ مەن قولداۋدىڭ جاڭا ساتىسى بولماق. بۇل عىلىمي-تەحنيكالىق سالاداعى ىزدەنۋ مەن زەرتتەۋشىلىكتىڭ ەڭ ۇزدىك جەتىستىكتەرىن كورسەتەدى. سونىمەن قاتار, ناقتى عىلىمدارعا دەگەن قىزىعۋشىلىقتىڭ ارتۋىنا, ەنەرگيا ۇنەمدەيتىن تەحنولوگيالاردى ويلاپ تابۋعا جانە ەنگىزۋگە ىقپال ەتپەك, دەيدى شارانى ۇيىمداستىرۋشىلار.
ءابدىراحمان قىدىربەك,
«ەگەمەن قازاقستان».
