قوعام • 24 ماۋسىم، 2020

اۋىلداعى 80 مىڭ وتباسى "Birgemiz" قورىنان كومەك الادى

180 رەت كورسەتىلدى

بۇل تۋرالى "Nur Otan" پارتياسى توراعاسىنىڭ ءبىرىنشى ورىنباسارى باۋىرجان بايبەك Instagram پاراقشاسىنداعى بۇگىنگى جازباسىندا ايتتى، - دەپ حابارلايدى Egemen.kz.

"قۇرمەتتى دوستار! پارتيامىزدىڭ ليدەرى نۇرسۇلتان نازارباەۆتىڭ تاپسىرماسى بويىنشا "Birgemiz" قورى تاياۋ ۋاقىتتا بىرجولعى اتاۋلى كومەك كورسەتۋدىڭ ءتورتىنشى كەزەڭىن ۇيىمداستىرادى. ەلباسىنىڭ باستاماسى بويىنشا كومەك قامقورشىلار كەڭەسىنىڭ شەشىمىمەن ەلىمىزدىڭ اۋىلدىق ەلدى مەكەندەرىندەگى اسا مۇقتاج 80 مىڭ وتباسىعا باعىتتالادى.

تۇڭعىش پرەزيدەنتتىڭ ۇندەۋىنە قولداۋ بىلدىرگەن اقجۇرەك مەتسەناتتارىمىزدىڭ ارقاسىندا قورعا 28 ميللياردتان استام قاراجات جينالدى. 23 ءىرى قالادا، سونداي-اق ولارعا ىرگەلەس شاعىن قالالار مەن اۋىلداردا 470 مىڭنان استام وتباسى 50 مىڭ تەڭگەدەن الدى.

سونىمەن قاتار مۇنداي ماتەريالدىق كومەك كوروناۆيرۋسپەن كۇرەسكە جۇمىلدىرىلعان مەديتسينا قىزمەتكەرلەرىن قولداۋعا جانە الەۋمەتتىك جاعىنان ءالسىز 100 مىڭ وتباسىنى تەگىن ماسكامەن قامتاماسىز ەتۋگە باعىتتالدى.

تۇركىستان وبلىسىنىڭ ماقتاارال اۋدانىنداعى سۋ باسۋدان زارداپ شەككەن دوستىق اۋىلىنىڭ تۇرعىندارىنا ارناپ سالىنىپ جاتقان جاڭا ۇيلەردىڭ قۇرىلىسى بيىلعى شىلدە ايىنىڭ ىشىندە-اق اياقتالادى.

مەملەكەت باسشىسى قاسىم-جومارت توقاەۆ كەشە "BIZ BIRGEMIZ" جالپىۇلتتىق ونلاين-فورۋمىندا اتاپ كورسەتكەندەي، ىنتىماقتاستىق، قاجىرلىلىق جانە جاناشىرلىق – حالقىمىزدىڭ ءداستۇرلى قۇندىلىقتارى. ءتول تاريحىمىزدا ۇشىراسقان اسا اۋىر سىناقتاردى ەڭسەرۋدە دە ناق وسى قاسيەتتەر كومەكتەسكەن بولاتىن.
بارشامىزعا ورتاق اۋىرتپالىقپەن كۇرەستە ءبىزدىڭ بىرلىگىمىز بۇدان دا بەكەم بولا تۇسپەك. ەندى قوعامىمىزدىڭ جاڭا ۇرانى – ء"بىز بىرگەمى"»، - دەپ جازدى باۋىرجان بايبەك.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار