سونداي-اق, وبلىس بويىنشا 69 ەسىرتكى قىلمىسىنىڭ دەرەگى تىركەلگەن. ونىڭ ىشىندە ەسىرتكى ساتۋ بويىنشا 7 دەرەك, اسا ءىرى كولەمدە ەسىرتكى ساقتاۋ بويىنشا 8 دەرەك جانە قۇرامىندا ەسىرتكى بار وسىمدىكتەردى ءوسىرۋ بويىنشا 11 دەرەك بار. زاڭسىز اينالىمنان 220 كەلىدەن استام ءتۇرلى ەسىرتكى زاتتارى, ونىڭ ىشىندە 195 كەلىدەن استام ماريحۋانا جانە 25 كەلىگە جۋىق گاشيش تاركىلەنگەن.
"قاراسورا-2020" ءىس-شاراسى بارىسىندا جامبىل وبلىسىنىڭ پوليتسيا دەپارتامەنتىنە قاراستى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى شۋ اۋدانىنىڭ اقتوبە اۋىلىندا ارنايى جەدەل ءىس-شارا وتكىزىپ, 33 جاستاعى اۋىل تۇرعىنىن ۇستاعان. وبلىستىق پوليتسيا دەپارتامەنتى باستىعىنىڭ ورىنباسارى, پوليتسيا پولكوۆنيگى نۇرجان قالمەتوۆتىڭ ايتۋىنشا, ونىڭ ۇيىنەن 52 كەلى كەپتىرىلگەن ماريحۋانا جانە 12 كەلى گاشيش تاركىلەنگەن. كۇدىكتى كىناسىن مويىنداپ, شۋ اۋدانىنىڭ ۋاقىتشا ۇستاۋ يزولياتورىنا قاماۋعا الىنعان. اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 297-بابى 3-ءبولىمى بويىنشا سوتقا دەيىنگى تەرگەۋ امالدارى باستالدى.
جامبىل وبلىسى بويىنشا اعىمداعى جىلدىڭ بەس ايى ىشىندە 188 ەسىرتكى قىلمىسى انىقتالعان. ونىڭ ىشىندە 48 دەرەك ەسىرتكى ساتۋ, 19 دەرەك اسا ءىرى كولەمدە ساقتاۋ, 3 دەرەك ەسىرتكى قۇرالدارىن ناسيحاتتاۋ نەمەسە زاڭسىز جارنامالاۋ, 2 دەرەك ەسىرتكى قۇرالدارى كونترابانداسى جانە 1 دەرەك ەسىرتكىنى پايدالانۋ ءۇشىن پريتوندار ۇيىمداستىرۋ جانە ۇستاۋ. زاڭسىز اينالىمنان 501 كەلى ءتۇرلى ەسىرتكى قۇرالدارى, ونىڭ ىشىندە ءبىر كەلىدەن استام اۋىر ەسىرتكى تۇرىنە جاتاتىن گەروين جانە ءبىر كەلىگە جۋىق سينتەتيكالىق ەسىرتكى تاركىلەنگەن.
جامبىل وبلىسى
