ەلىمىزدە "جىلدىڭ ۇزدىك مەملەكەتتىك قىزمەتكەرى" بايقاۋى وسىمەن قاتارىنان ءۇشىنشى جىل وتكىزىلىپ جاتىر. بيىل ەلىمىزدىڭ تۇكپىر-تۇكپىرىنەن 761 مەملەكەتتىك قىزمەتكەر قاتىستى. ناتيجەلەرى بويىنشا تومەندەگى جەڭىمپازدار:
- ەرنۋر ابجاحان, الماتى قالاسى قالالىق موبيلدىلىك باسقارما باسشىسىنىڭ ورىنباسارى;
- الماگۇل ازاماتوۆا, شىعىس قازاقستان وبلىسى, جارما اۋدانى جۇمىسپەن قامتۋ جانە الەۋمەتتىك باعدارلامالار ءبولىمىنىڭ باس مامانى;
- باۋىرجان احمەتالين, نۇر-سۇلتان قالاسى, توتەنشە جاعدايلار (تجم) دەپارتامەنتىنىڭ قىزمەتكەرى;
- بەرىك دوسىمبەكوۆ, قاراعاندى قالاسىنىڭ دەنە شىنىقتىرۋ جانە سپورت ءبولىمىنىڭ باس مامانى;
- الماس ەركىباەۆ, اقمولا وبلىسى بويىنشا سوتتار اكىمشىسىنىڭ اتباسار اۋداندىق سوتى كەڭسەسىنىڭ حاتشىسى, باس مامان;
- ديدار يبراەۆ, اقتوعاي اۋدانى اكىمى اپپاراتىنىڭ باسشىسى;
- ارمان قابىلوۆ, اقتوبە وبلىسى, قوبدا اۋدانى ىشكى ساياسات ءبولىمىنىڭ باستىعى;
- اجار قاليەۆا, الماتى وبلىسى قاپشاعاي قالاسى ءبىلىم ءبولىمىنىڭ باس مامانى;
- اقجىبەك كاپالباەۆا, سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا پروفيلاكتيكالىق ءبولىمىنىڭ باس مامانى;
- اقتورە تالعات ۇلى, سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ الدىن-الۋ ءبولىمىنىڭ اعا وفيتسەرى.
ەلىمىزدە 89 مىڭعا جۋىق ادام مەملەكەتتىك قىزمەتتە جۇمىس ىستەيدى, ولاردىڭ 42 مىڭنان استامى ايماقتاردا.
