قوعام • 21 ماۋسىم، 2020

بۇگىن - مەديتسينا قىزمەتكەرى كۇنى

986 رەت كورسەتىلدى

ەلىمىزدە ماۋسىمنىڭ əر ءۇشىنشى جەكسەنبىسى – مەديتسينا قىزمەتكەرلەرىنىڭ كۇنى. وسى اتاۋلى كۇنى ادام جانىنىڭ اراشاشىسى، اق حالاتتى ابزال جاندارعا ارنايى قۇرمەت كورسەتىلىپ، ەڭبەكتەرى ەرەكشە ەلەنەدى. دەگەنمەن دەنساۋلىعىمىز سىر بەرىپ، جانىمىز قىسىلعاندا كومەك قولىن سوزۋعا قاشاندا دايىن تۇراتىن دəرىگەرلەردى əردايىم دəرىپتەۋىمىز كەرەك، - دەپ حابارلايدى Egemen.kz.

ونىڭ ۇستىنە زəرە-قۇتىمىزدى قاشىرىپ وتىرعان دəل بۇگىنگى زاۋال شاقتا حالقىمىز مەديتسينا ماماندارىنىڭ كومەگىنە ودان سايىن زəرۋ بولىپ وتىر. قىزمەتىنە ادال، ەلگە جاناشىر دəرىگەرلەر وسىناۋ سىن ساعاتتا ۋاقىتپەن ساناسپاي، ەڭبەگىن بۇلداماي جاھاندى جايلاعان ىندەتپەن كۇرەستە ايانباي تەر توگىپ ءجۇر.

كۇنى-ءتۇنى جارعاق قۇلاعى جاستىققا تيمەي، تىنىمسىز جۇمىسقا جەگىلىپ، تىعىرىقتان شىعار جول ىزدەپ، قاۋىپتى دەرتتىڭ ەمىن تابۋعا بار ءبىلىم-بىلىگىن، كۇش-جىگەرىن سالىپ جاتقان دəرىگەرلەردىڭ تالپىنىسى دəتكە قۋات. مەملەكەت باسشىسى قاسىم-جومارت توقاەۆ قازىرگى قىسىلتاياڭ كەزەڭدە الدىڭعى شەپتە قىزمەت ەتىپ جۇرگەن دəرىگەرلەر مەن مەديتسينا قىزمەتكەرلەرىنە قۋاتتى قولداۋ كورسەتىپ، زور سەنىم ءبىلدىرىپ وتىر.

«كوروناۆيرۋس – باتپانداپ كىرىپ، مىسقالداپ شىعاتىن قاۋىپتى دەرت. دەگەنمەن ءبىز ىندەتكە شالدىققان ادامدارعا بارلىق قاجەتتى كومەكتى كورسەتەمىز. بۇگىندە بۇكىل ەلىمىز دəرىگەرلەر مەن مەديتسينا قىزمەتكەرلەرىنىڭ قايسارلىعىنا ءتəنتى بولۋدا. ولار – ادام ومىرىنە اراشا ءتۇسىپ جاتقان بۇگىنگى كۇننىڭ باتىرلارى» دەدى پرەزيدەنت.

راسىندا، ادامزاتتىڭ امان دىعىنا، جۇمىر جەردىڭ تۇتاس تىعىنا وراسان قاۋىپ ءتوندىرىپ تۇر عان ىندەتتى عالىمداردىڭ، ءدəرى گەر لەردىڭ كۇشىمەن عانا جەڭە الامىز. مەديتسينا سالاسىنىڭ ماماندارى قانداي مəرتەبەگە، ماراپاتقا بولسىن əبدەن لايىق. سوعان سəيكەس قۇرمەت كورسەتۋ – ءəربىرىمىزدىڭ ازاماتتىق بورىشىمىز.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار