كەزدەسۋ بارىسىندا تاراپتار ەكى ەلدىڭ پارلامەنتارالىق ىنتىماقتاستىق ماسەلەلەرىن جانە پارلامەنتشىلەرىنىڭ "دوستىق توبىنىڭ" قىزمەتىن تالقىلادى. سۇحباتتاسۋشىلار ءوزارا ءتيىمدى ەكونوميكالىق ىنتىماقتاستىقتى ودان ءارى ىلگەرىلەتۋدىڭ, ونىڭ ىشىندە ساۋدا جانە ينۆەستيتسيا سالالارىن دامىتۋدىڭ ماڭىزدىلىعىن اتاپ ءوتتى. سونداي-اق تۇركىتىلدەس ەلدەردىڭ پارلامەنتتىك اسسامبلەياسى, ەۋروپالىق كەڭەستىڭ پارلامەنتتىك اسسامبلەياسى جانە ەۋروپالىق پارلامەنت اياسىنداعى ءوزارا ءىس-قيمىل ماسەلەلەرى دە قوزعالدى.
قازاقستان ەلشىسى ل.كيوۆەرگە دەموكراتيانىڭ بازالىق ينستيتۋتتارىن ودان ءارى دامىتۋعا قاتىستى قازاقستاندا جۇزەگە اسىرىلىپ جاتقان ساياسي رەفورمالار – ازاماتتاردىڭ بەيبىت جينالىستارعا قۇقىقتارى, سايلاۋدى ۇيىمداستىرۋ جانە قوعامدىق-ساياسي ءومىردى دايەكتى ىرىقتاندىرۋدىڭ جاڭا كەزەڭىن اشاتىن ساياسي پارتيالاردىڭ قىزمەتى تۋرالى حاباردار ەتتى.
كەزدەسۋ سوڭىندا تاراپتار ەكى ەل اراسىنداعى ارىپتەستىكتىڭ ستراتەگيالىق دەڭگەيىنە نەگىزدەلگەن ەكىجاقتى قارىم-قاتىناستاردىڭ وڭ سەرپىنىن اتاپ ءوتتى.
