اتاپ ايتقاندا, قوعامدىق ءتارتىپتى كۇزەيتۋ كۇشەيتىلدى, كەزەكشىلىككە تۇسكەن پوليتسەيلەردىڭ سانى ارتتى. بۇدان بولەك, كوشەلەرگە پاترۋلدەۋ جۇرگىزىلىپ جاتىر. داۋىس زورايتقىش ارقىلى پوليتسەيلەر حالىق اراسىندا تۇسىندىرمە جۇمىستارىن جۇرگىزۋدە. قازاق جانە ورىس تىلدەرىندەگى اۋديوجازبادا كەلەسى اقپارات بار:
"قۇرمەتتى ەلوردا تۇرعىندارى مەن قوناقتارى! قازاقستاننىڭ بىرقاتار وڭىرىندە ەپيدەميولوگيالىق جاعدايدىڭ ءورشۋىن جانە كوروناۆيرۋس ينفەكتسياسىمەن اۋىرۋ كورسەتكىشىنىڭ ارتۋىن ەسكەرە وتىرىپ, ۆەدومستۆوارالىق كوميسسيا بيىلعى 20-21 ماۋسىم, دەمالىس كۇندەرىنە, بىرقاتار قوسىمشا شەكتەۋ شارالارىن ەنگىزۋ تۋرالى شەشىم قابىلدادى. نۇر-سۇلتان قالاسى بويىنشا ساۋدا ويىن-ساۋىق ورتالىقتارىنىڭ, ساۋدا ۇيلەرىنىڭ, جەلىلىك دۇكەندەردىڭ, جابىق ازىق-ت ۇلىك جانە باسقا دا بازارلاردىڭ قىزمەتى توقتاتىلادى. قوعامدىق كولىكتەردىڭ قىزمەتى شەكتەلى, قوعامدىق دەمالىس ورىندارى - پاركتەر, ساياباقتار, جاعالاۋلار, جاعاجايلار, اكۆاپاركتەر قىزمەتى توقتاتىلادى. فيتنەس-ورتالىقتارىنىڭ قىزمەتى توقتاتىلادى. 65 جاستان اسقان ادامداردىڭ دالاعا شىعۋى شەكتەلەدى. نۇر-سۇلتان قالاسىنىڭ باس سانيتارلىق دارىگەرىنىڭ قاۋلىسىنا سايكەس, نۇر-سۇلتان قالاسىنا اۋماقتىق جاقىن ورنالاسقان تۋريستىك ايماقتارعا كىرۋگە تىيىم سالىنادى, ال اتالعان ايماقتارداعى ادامدارعا – الەۋمەتتىك قاشىقتىقتى ساقتاۋ قاجەت". پاترۋلدەۋ باعدارى بارلىق اۋماقتى قامتيتىنداي ەتىپ قۇرىلعان. پوليتسەيلەر بارلىق تۇرعىن الاپتارىنا كىرىپ, سونداي-اق ادام كوپ جينالاتىن جەرلەرگە توقتالادى.
ء"بىزدىڭ باستى ماقساتىمىز – مەيلىنشە كوپ ادامعا قاۋىپسىزدىك شارالارى تۋرالى ەسكەرتۋ. داۋىس زورايتقىش پەن پاترۋلدەۋ ارقىلى تۇرعىندار قازىر ەنگىزىلگەن ەرەجەلەر مەن شەكتەۋلەردى ساقتاۋدىڭ قانشالىقتى ماڭىزدى ەكەنىنە نازار اۋدارادى دەپ ەسەپتەيمىز", - دەدى پوليتسيا دەپارتامەنتىندە.
ماتەريالداردى قانداي دا ءبىر جولمەن پايدالانۋعا – نۇر-سۇلتان قالاسىنىڭ رەسمي سايتىنا بەلسەندى گيپەرسىلتەمە بولعان جاعدايدا جول بەرىلەدى http://astana.gov.kz/kz/news/news/23338
