كارانتين رەجىمىنە بايلانىستى قوعامدىق تىڭداۋ بەينەكونفەرەنتسيا تۇرىندە وتكىزىلدى. شاراعا اۋىل شارۋاشىلىعى ۆيتسە-ءمينيسترى رۇستەم قۇرمانوۆ, مينيسترلىكتىڭ قىزمەتكەرلەرى, قوعامدىق ۇيىمداردىڭ, جەرگىلىكتى اتقارۋشى ورگاندار مەن وبلىستاردىڭ شاعىن جانە ورتا بيزنەسى وكىلدەرى, شارۋا قوجالىقتارىنىڭ باسشىلارى قاتىستى.
زاڭ جوباسىمەن اۋىل شارۋاشىلىعى مينيسترلىگى جەر رەسۋرستارىن باسقارۋ كوميتەتىنىڭ ءتورايىمى گۇلجاحان بيمەندينا تانىستىردى. بايانداما بارىسىندا نەگىزگى جوسپارلار مەن ءتيىستى زاڭناماعا ەنگىزىلەتىن جاڭالىقتار تۋرالى ايتىلدى. ساراپتامالىق پىكىردى "اتامەكەن" ۇكپ قۇرىلىس جانە جەر قاتىناستارى دەپارتامەنتىنىڭ ديرەكتورى نازيرا ۇسەنوۆا جانە زاڭگەر, جەر قۇقىعى سالاسىنداعى تاۋەلسىز ساراپشى باقىتجان بازاربەك ايتتى.
زاڭ جوباسىن تالقىلاۋ بارىسىندا ايماق تۇرعىندارىنا سۇراق قويۋ مۇمكىندىگى بەرىلدى. ايتا كەتەيىك, قوعامدىق تىڭداۋ اۋىل شارۋاشىلىعى مينيسترلىگىنىڭ Facebook-تەگى رەسمي پاراقشاسىندا تىكەلەي ەفيردە كورسەتىلدى.
