نۇروتاندىق باستاۋىش ۇيىمدار باسشىلارى باس قوستى

كەشە اقتاۋدا “نۇر وتان” حدپ وبلىستىق فيليالى قۇرامىنداعى باستاۋىش پارتيا ۇيىمدار وكىلدەرى­نىڭ 1-فورۋمى بولدى. وندا وبلىس اكىمى, “نۇر وتان” حدپ ماڭعىستاۋ وبلىستىق فيليالىنىڭ توراعاسى قىرىمبەك كوشەرباەۆ “نۇر وتان” حدپ حالىقتىق تۇعىرناماسىن ىسكە اسىرۋداعى باستاۋىش پارتيا ۇيىم­دارى­نىڭ مىندەتتەرى تۋرالى بايان­داما جاسادى. فيليال توراعاسى ەل­باسى­نىڭ “جاڭا ونجىلدىق – جاڭا ەكونو­ميكالىق ورلەۋ – قازاقستان­نىڭ جاڭا مۇمكىندىكتەرى” اتتى جول­داۋىن جۇزەگە اسىرۋ, ونىڭ ءمان-ماعىناسىن حالىققا كەڭىنەن ءتۇسىن­دىرۋ ءاربىر نۇروتاندىق­تىڭ, ءاربىر باستاۋىش پارتيا ۇيىمى­نىڭ ءجىتى نازارىندا بولۋى كەرەكتىگىنە توقتال­دى. جانە دە وڭىردەگى 25 مىڭعا تارتا مۇشەسى بار 273 باس­تاۋىش پارتيا ۇيىمىنىڭ اتقارىپ وتىرعان اۋقىم­دى جۇمىستارىن تىلگە تيەك ەتتى. فورۋمدا “نۇر وتان” حدپ پار­­تيالىق باقىلاۋ كوميتەتى توراعا­سىنىڭ ورىنباسارى وڭالبەك ساپيەۆ ءسوز سويلەپ, وسىنداي باس قوسۋلاردىڭ پارتيا بەدەلىن ارتتىرا تۇسەتىندىگىن ايتتى جانە الداعى اۋقىمدى جۇمىس­تاردى جاڭا ساتىعا كوتەرۋ جولدارى جايلى اڭگىمەلەدى. باسقوسۋ­دا پارتيا­نىڭ بەينەۋ اۋداندىق فيليالى توراعاسىنىڭ ءبىرىنشى ورىنباسارى ن.حايرۋللاەۆ, “قارا­جان­باسمۇناي” باستاۋىش پارتيا ۇيىمىنىڭ توراعاسى ب.ءتۇسىپوۆ, ت.ب. سويلەدى. ال پارتيانىڭ اقتاۋ قالالىق في­ليالى “الاتاۋ” باستاۋىش ۇيى­مى­نىڭ جاس مۇشەلەرى ز.نازۋروۆا, ا.كورو­لەۆا, ە.كيم, ا.وسپانوۆا, ا.سەرىك­باەۆا بولسا وزدەرىنىڭ تاۋەلسىز قازاق­ستانعا, ەلباسىنا, ەل مەن جەرگە دەگەن ىستىق لەبىزدەرىن ولەڭ جولدارىمەن جەتكىزدى. ودان سوڭ ءاربىر اۋدان, قالادا وتكىزىلگەن بايقاۋلار قورىتىن­دىسى بويىنشا ەڭ ۇزدىك باستاۋىش پارتيا ۇيىمدارىنا ديپلومدار مەن باعالى سىيلىقتار تاپسىرىلدى. فورۋمنىڭ ەكىنشى بولىمىندە ەكى سەكتسيا جۇمىس جاساپ, باستاۋىش پارتيا ۇيىمدارى جۇمىسىن ودان ءارى جەتىلدىرۋ, پارتيا بەدەلى مەن بەلسەندىلىگىن ارتتىرا ءتۇسۋ جونىندە وي-پىكىرلەرىن ورتاعا سالدى. جولامان بوشالاق. اقتاۋ. پارتيا فيليالىنىڭ توراعاسى سايلاندى كەشە “نۇر وتان” حدپ قوس­تاناي وبلىستىق فيليالىنىڭ كەزەكتەن تىس ح كونفەرەنتسياسى بولىپ ءوتتى. كونفەرەنتسيا الدىمەن “نۇر وتان” حالىقتىق-دەموكراتيا­لىق پارتياسى وبلىستىق فيليالى ساياسي كەڭەسىنىڭ قۇرامىنان شىق­قان­داردىڭ ورنىنا ەكى مۇشەنى قاي­تادان قابىلدادى. سونىمەن قاتار “نۇر وتان” حدپ وبلىستىق في­ليالى­نىڭ بۇرىنعى توراعاسى ع.ساعيەۆتىڭ باسقا جۇمىسقا اۋىسۋى­نا بايلانىستى ساياسي كەڭەس بيۋروسى ونىڭ ورنىنا جاڭا جەتەكشى سايلادى. “نۇر وتان” حدپ وبلىستىق فيليالىنىڭ توراعاسى بولىپ سەرىك بەكتۇرعانوۆ سايلاندى. ول وبلىس اكىمىنىڭ ورىنباسارى بولىپ قىزمەت ىستەيدى. – سەرىك شىڭعىس ۇلى وبلىس يدەولو­گياسىن باسقارىپ وتىر, سون­دىقتان “نۇر وتاننىڭ” جەر­گىلىكتى جەردەگى جۇمىستارىن دا شەبەر ۇيلەستىرىپ اكەتەدى دەگەن سەنىم­دەمىن, – دەدى پارتيا فيليالىنىڭ جاڭا توراعاسىن قۇتتىقتاعان وبلىس اكىمى سەرگەي كۋلاگين. كەزەكتەن تىس كونفەرەنتسياعا “نۇر وتان” حدپ حاتشىسى سەرگەي گروموۆ قاتىستى. – ­پرەزيدەنت العا قويعان ماق­ساتتاردى پارتيا باعدارلاماسىنان ءبولىپ قاراۋعا بولمايدى. قازىردە “نۇر وتاننىڭ” قوعامدىق قابىل­داۋلارىنا ادامدار كوپ باراتىن بولدى. بۇل ولاردىڭ پارتياعا دەگەن سەنىمىن كورسەتەدى. قوعامدىق قا­بىل­داۋعا كەلگەن ءار ادامنىڭ ءوتىنى­شىن, ارىز-شاعىمىن مۇقيات قاراپ, ونىڭ ورىندالۋىنا, ءناتي­جەسىنىڭ بولۋىنا كۇش سالۋىمىز كەرەك, – دەدى سەرگەي نيكولاەۆيچ. سونىمەن قاتار, پارتيا حاتشىسى بارلىق ءماسلي­حاتتارداعى “نۇر وتان” پار­تيا­سى فراكتسياسى جۇمىسىنىڭ جان­دانۋىن جانە دەپۋتاتتار بەل­سەن­دىلىگىنىڭ ارتۋىن دا پارتيالىق تاپسىرمانىڭ ءبىرى رەتىندە قارادى. ال ەلىمىزدەگى ءماسليحاتتار دەپۋ­تات­تارىنىڭ 95 پايىزى – نۇر­وتان­­دىقتار. سوندىقتان دەپۋتاتتار فراكتسياسى قۋاتتى رەزەرۆ بولىپ تابىلادى. پارتيانىڭ قوستاناي وب­لىستىق فيليالىنىڭ جاڭا توراعاسى سەرىك بەكتۇرعانوۆ وزىنە سەنىم ارتقان نۇروتاندىقتارعا العىس ايتتى جانە الداعى ۋاقىتتا وبلىستىق فيليال يگىلىكتى جۇمىس­تاردىڭ ورتالىعىنا اينالاتىنىنا سەندىردى. ءنازيرا جارىمبەتوۆا. قوستاناي.