ۇكىمەت • 19 ماۋسىم، 2020

اسقار مامين ءوزىن-ءوزى وقشاۋلاۋ رەجيمىنەن شىقتى

54 رەت كورسەتىلدى

پرەمەر-مينيستر اسقار مامين كوروناۆيرۋس ينفەكتسياcىن دياگنوستيكالاۋ حاتتاماسىنا سايكەس، قاجەتتى مەرزىم اياقتالعاننان كەيىن ءوزىن-ءوزى وقشاۋلاۋ رەجيمىنەن شىقتى. بۇل تۋرالى پرەمەر-ءمينيستردىڭ ءباسپاسوز قىزمەتىنىڭ جەتەكشىسى زارينا نۇرلانوۆا Facebook پاراقشاسىندا جازدى.

"پرەمەر-مينيستر اسقار مامين كوروناۆيرۋس ينفەكتسياcىن دياگنوستيكالاۋ حاتتاماسىنا سايكەس، قاجەتتى مەرزىم اياقتالعاننان كەيىن ءوزىن-ءوزى وقشاۋلاۋ رەجيمىنەن شىقتى. COVID-19-عا جاسالعان اقىرعى تالداۋ ناتيجەسى تەرىس قورىتىندى بەردى.

سونداي-اق بۇعان دەيىن ءوزىن-ءوزى وقشاۋلاعان ءبىلىم ءمينيسترى اسحات ايماعامبەتوۆ، اۋىل شارۋاشىلىعى ءمينيسترى ساپارحان وماروۆ، ەكولوگيا، گەولوگيا جانە تابيعي رەسۋرستار ءمينيسترى م. مىرزاعاليەۆ وسىنداي پروتسەدۋرادان ءوتتى. بارلىعىنان COVID-19-عا تەرىس ناتيجە الىندى.
وسىعان بايلانىستى ۇكىمەت باسشىسى مەن مينيسترلەر جۇمىس كەستەسىن شتاتتىق رەجيمدە جالعاستىرادى.


قازىرگى ۋاقىتتا ۇكىمەت وتىرىستارى مەن بارلىق كەڭەستەر سەلەكتورلىق رەجيمدە وتۋدە. ۇكىمەت پەن مينيسترلىكتەر ءۇيىنىڭ عيماراتتارىندا سانيتارلىق ءتارتىپ كۇشەيتىلدى، قاۋىپسىزدىك شارالارى قاتاڭداتىلدى، قىزمەتكەرلەردىڭ 80%-ى قاشىقتان جۇمىس ىستەۋگە كوشتى"، - دەپ جازدى ول.

سوڭعى جاڭالىقتار

ۇقساس جاڭالىقتار