سۋعا كەتىپ قازا تاپقان 7 ادامنىڭ ەكەۋى ءجاسوسپىرىم بالا. قايعىلى وقيعا ناۋرىزىم, فەدوروۆ, قاراسۋ, ب. مايلين, سارىكول, مەڭدىقارا اۋداندارى مەن قوستاناي قالاسىنىڭ ماڭىنداعى وزەن-كولدەردە ورىن العان. بۇل جاعدايلاردىڭ بارلىعى سۋعا شومىلۋعا ارنايى رۇقسات ەتىلمەگەن جەرلەردە, بالىق اۋلاۋعا تىيىم سالىنعان سۋ ايدىندارىندا بولىپ وتىر. سۋعا كەتكەندەردىڭ ىشىندە الكوگولدىك ىشىمدىك ىشكەندەر بار.
"وكىنىشكە قاراي, بيىل 2 بالا سۋعا كەتىپ قازا بولىپ وتىر. 23 مامىر كۇنى ساعات 15.00-دە ناۋىرزىم اۋدانى قوجا اۋىلىندا رۇۇقسات ەتىلمەگەن جەرگە شومىلعان 9 جاسار بالا باتىپ كەتتى. بالا اۋىل شەتىندەگى جاساندى سۋ قويماسىنىڭ جانىندا ويناپ جۇرگەن. سوسىن سۋعا ءتۇسىپ كورمەك بولعان. ونىڭ سوڭى قايعىلى وقيعامەن اياقتالىپ وتىر. 11 ماۋسىمدا قوستاناي وبلىسى ءبىلىم باسقارماسىنا قاراستى وتباسىلىق ۇلگىدەگى "جانۇيا" بالاباقشاسىنىڭ تاربيەلەنۋشىسى قايعىلى وقيعاعا ۇشىرادى. بالالار دەمالىس كۇنى تاربيەشىلەرمەن سۋعا شومىلۋعا بارعان. تاربيەشى ءبىر ءسات قاراۋسىز قالدىرعان. ناتيجەسىندە بالادان ايىرىلىپ قالىپ وتىر. قازىر بۇل وقيعانىڭ انىق-قانىعى تەكسەرىلىپ جاتىر", - دەدى ر. قابىلبەكوۆ.
25 مامىردان باستاپ وبلىستاعى قۇتقارۋشى كۇشتەر جوعارى كۇشەيتىلگەن رەجىمدە جۇمىس ىستەۋ تارتىبىنە كوشكەن. قازىر سۋ جاعاسىندا دەمالۋشىلارعا قاۋىپسىزدىك شارالارىن ساقتاۋ تۋرالى ناسيحات شارالارى جۇرگىزىلىپ, قايعىلى وقيعانىڭ الدىن-الۋ ماقساتىندا ويىن-جاتتىعۋلار ۇيىمداستىرىلۋدا.
قوستاناي وبلىسى
