اتاپ ايتقاندا, دەپۋتاتتار قالدىقتاردى ەنەرگەتيكالىق كادەگە جاراتۋ ماسەلەلەرىنە قاتىستى زاڭ جوباسىن ءبىرىنشى وقىلىمدا ماقۇلدادى.
قۇجات تۇجىرىمداماسىندا تۇرمىستىق قاتتى قالدىقتاردى جاعۋ ارقىلى ولاردى كادەگە جاراتۋ كوزدەلەدى. بۇل قالدىقتاردىڭ قورشاعان ورتاعا تەرىس اسەرىن ازايتۋعا جانە ولاردىڭ كومۋگە جاتاتىن كولەمىن قىسقارتۋعا مۇمكىندىك بەرەدى.
زاڭ جوباسىنىڭ تۇجىرىمداماسىنا سايكەس نەگىزگى قولداۋ تەتىگى قوقىس جاعاتىن كاسىپورىندار وندىرگەن ەلەكتر ەنەرگياسىن كەپىلدى ساتىپ الۋ. ول جاڭارتىلاتىن ەنەرگەتيكا سالاسىن قولداۋدىڭ قولدانىستاعى تەتىگىنە ۇقساس بولادى.
وسىعان بايلانىستى, زاڭ جوباسىندا ەكولوگيالىق كودەكس پەن "ەلەكتر ەنەرگەتيكاسى تۋرالى" جانە "جاڭارتىلاتىن ەنەرگيا كوزدەرىن پايدالانۋدى قولداۋ تۋرالى" زاڭدارعا تۇزەتۋلەر ەنگىزۋ كوزدەلگەن.
زاڭ جوباسىن تالقىلاۋ بارىسىندا دەپۋتاتتار جەرگىلىكتى اتقارۋشى ورگانداردى قوقىس جاعاتىن كاسىپورىنداردى قالدىقتاردىڭ قاجەتتى كولەمىمەن قامتاماسىز ەتۋگە مىندەتتەيتىن نورمانى الىپ تاستاۋدى; ەكولوگيالىق كودەكستەگى جەرگىلىكتى اتقارۋشى ورگانداردىڭ جەر زاڭناماسىنا سايكەس قالدىقتاردى ەنەرگەتيكالىق كادەگە جاراتۋ جونىندەگى وبەكتىلەردى قامتيتىن الەۋمەتتىك ينفراقۇرىلىمدى سالۋ ءۇشىن جەر ۋچاسكەلەرىن ءبولۋى ماسەلەلەرىن ناقتىلاۋدى; قولدانىستاعى زاڭنامامەن جانە ءماجىلىس قاراۋىنداعى زاڭ جوبالارىنىڭ نورمالارىمەن ۇيلەستىرۋ ماقساتىندا قۇقىقتىق كولليزيالاردى جويۋ تۋرالى جانە باسقا دا ۇسىنىستار مەن تۇزەتۋلەر ەنگىزدى.
سونىمەن قاتار, جالپى وتىرىستا مەملەكەتتىك شەكارا تۋرالى زاڭ جوباسى ءبىرىنشى وقىلىمدا ماقۇلداندى.
زاڭ جوباسىندا وتكىزۋ پۋنكتتەرىندە قۇقىق قورعاۋ مەن ارناۋلى ورگاندار, پروكۋراتۋرا ورگاندارى قىزمەتكەرلەرىنىڭ بولۋ ءتارتىبىن رەگلامەنتتەيتىن, قازاقستان رەسپۋبليكاسىنىڭ مەملەكەتتىك شەكارا تۋرالى زاڭناماسىن بۇزۋدىڭ ىقتيمال تاۋەكەلدەرىن تومەندەتۋگە باعىتتالعان نورمالار كوزدەلەدى.
زاڭ جوباسىمەن ۇلتتىق قاۋىپسىزدىك كوميتەتى شەكارا قىزمەتىنىڭ قاجەتتى ينجەنەرلىك-تەحنيكالىق قۇرالداردى, قۇرىلىستار مەن بوگەۋىشتەردى ورناتۋ جونىندەگى قۇزىرەتى ناقتىلانادى.
سونىمەن قاتار, جالپى وتىرىستا دەپۋتاتتار سەناتتىڭ «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىنە ەنگىزگەن تۇزەتۋلەرىمەن كەلىستى.
بۇگىن پالاتا بىرقاتار جاڭا زاڭ جوبالارىن جۇمىسقا الدى. ولاردىڭ قاتارىندا بيۋدجەت زاڭناماسىن جەتىلدىرۋ ماسەلەلەرى تۋرالى زاڭ جوباسى, سونداي-اق, قازاقستان مەن موڭعوليا اراسىنداعى ازاماتتىق جانە قىلمىستىق ىستەر جونىندەگى ءوزارا كومەك تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى جانە ەاەو پەن وعان مۇشە مەملەكەتتەر جانە سەربيا اراسىنداعى ەركىن ساۋدا تۋرالى كەلىسىمدى راتيفيكاتسيالاۋ تۋرالى زاڭ جوبالارى بار. وسىلارمەن قاتار, كاسپي تەڭىزىندە قىزمەتتى جۇزەگە اسىرۋعا بايلانىستى زاڭ جوباسىنا تۇزەتۋ ەنگىزۋ تۋرالى زاڭ جوباسى بار.
جالپى وتىرىس سوڭىندا حالىق قالاۋلىلارى مەملەكەتتىك ورگانداردىڭ باسشىلارىنا بىرنەشە دەپۋتاتتىق ساۋالدار جولدادى. ولار پ. كازانتسەۆ, م. قازبەكوۆا, ج.احمەتبەكوۆ, س. قانىبەكوۆ.
