اتالعان مەكەمە باسشىسى سامات مىرزاليەۆتىڭ ايتۋىنشا, بۇگىندە قالاداعى 18 ءۇيدىڭ ارلەۋ جۇمىستارى اياقتالعان. ونىڭ ايتۋىنشا, جوبا تولىعىمەن وبلىس ورتالىعىنداعى تۇرعىن ۇيلەردى جاڭعىرتۋ جۇمىستارىنا جاۋاپتى مەردىگەر كومپانيالاردىڭ دەمەۋشىلىگىمەن جۇزەگە اسۋدا.
تارازدىق تۇرعىنداردى تاڭداندىرىپ وتىرعان سۋرەتتەردى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەگى ايتان ەلەباەۆ سالۋ ۇستىندە ەكەن. ول كونە تاراز شاھارىنداعى ۇيلەردىڭ سىرتىنا مۋرال سالۋ بويىنشا كونكۋرسقا قاتىسىپ, جەڭىمپاز اتانعان. وسىلايشا, تارازداعى "استانا" ىقشاماۋدانىنداعى 4 تۇرعىن ءۇيدىڭ قاسبەتىنە نۇر-سۇلتان قالاسىنداعى ساۋلەتتى نىسانداردىڭ بەينەسىن بەينەلەۋگە تاپسىرىس العان.
قازىرگى كەزدە ول اتالعان باعىت بويىنشا جۇمىسىن جالعاستىرۋدا. جاس سۋرەتشىنىڭ تۋىندىلارى بۇگىندە تارازدىقتاردىڭ كوڭىلىنەن شىعىپ وتىر. كۇن وتكەن سايىن تاريحي شاھاردىڭ ساۋلەتى ارتۋدا. ۇلى تۇلعالار ۇلىقتالىپ, تاريحي ورىندار كوپشىلىككە كەڭىنەن تانىستىرىلۋدا.
جامبىل وبلىسى
